स्कूलमा शुक्रबार पनि पुरै पढाई हुने

103 पटक पढिएको

प्रकाशित मिति: १४ भाद्र २०७०, शुक्रबार १५:२७

सम्पादक: Dhadingnews.com

काठमाडौं / देशभरका स्कूलमा अब शुक्रबार पनि पुरैदिन पढाई हुने भएको छ ।

सरकारले अघि सारेको शैक्षिक सुधार वर्ष ०७० मा शुक्रबार पुरै दिन पढाउनुपर्ने उल्लेख छ । शुक्रवार १ बजेसम्म पढाई हुँदै आएकोमा शिक्षा विभागले अब सह–क्रियाकलाप समेत संचालन गरी अरु दिन झैं पुरै दिन पढाउन पर्ने नियम बनाएको छ ।

‘विद्यार्थीको सिकाइ अधिकारलाई सुनिश्चित गर्न कम्तीमा १९२ दिन अनिवार्य पठनपाठन हुने र २२० दिन विद्यालय खुल्ने प्रत्याभूति गरिनेछ’ यस आर्थिक वर्षमा प्राथमिकता प्राप्त शैक्षिक कार्यक्रमहरुको मार्गचित्रमा उल्लेख छ । सबै प्रकारका शिक्षालयहरुलाई बालमैत्री र शान्तिक्षेत्रको रुपमा विकास गर्ने पनि सरकारले जनाएको छ ।

यस्तै यसवर्ष जिल्लाको एसएलसी परीक्षाको नतिजामा कम्तीमा दोहोर अंकमा वृद्धि गर्ने लक्ष्य छ । परीक्षालाई थप मर्यादित, व्यवस्थित, प्रभावकारी बनाइने मार्गचित्रमा उल्लेख छ ।

यस्तै विभागले विज्ञान बिषय पढेका तर अध्यापन अनुमति पत्र नभएकालाई शिक्षक सेवा आयोगको नियमावली संशोधन गरी अस्थायी लाइसेन्समा पढाउन पाउने व्यवस्था गर्ने भएको छ ।

दुर्गम ठाउँमा शिक्षामा विज्ञान विषय पढेका शिक्षकको अभाव भएकाले नियमावली संशोधन गरी विज्ञान संकाय मात्रै पढेकालाई  पनि समावेश गरिने विभागका निर्देशक टेकनारायण पाण्डेले जानकारी दिनुभयो ।

साथै यो बर्ष ६८ जिल्ला शिक्षा कार्यालय ‘स्वच्छ’ सूचीमा परेका छन् । बारा, पर्सा, रौतहट, सर्लाही, धुनषा, महोत्तरी, सिरहा भने खराब सूचीमा परेका विभागले जनाएको छ । नक्कली विद्यार्थी र विद्यालय खडा गरी अनियमितता र अन्य हिसावकिताव पारदर्शी नगरेकोले यी जिल्लालाई खराब सूचीमा राखिएको विभागले जनाएको छ ।

सूर्यकुमार क्षेत्री/उज्यालोअनलाईन बाट



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

१४ भाद्र २०७०, शुक्रबार १५:२७ मा प्रकाशित

समाचार

सबै

बढ्यो सामाजिक सुरक्षा भत्ता

काठमाडौं । सरकारले बृद्ध भत्ता बढाएको छ । बढेको भत्ता अव कार्यान्वयनमा समेत आएको छ । सरकारले चालु आर्थिक वर्ष २०७६–७७ को बजेटमा घोषणा गरेअनुसार ज्येष्ठ नागरिकदेखि सबै शीर्षकका सामाजिक सुरक्षा भत्ता बढाएको.....

पहिरोले भत्काएको दुई महिनापछि स्याफ्रु–मैलुङ सडक मर्मतकार्य शुरू

भदौ २९, रसुवा । पहिरोका कारण गत असार महीनाबाट अवरुद्ध स्याफ्रु–मैलुङ खण्डको नयाँ राजमार्ग शनिवारबाट मर्मतकार्य.....

धादिङमा यसरी मनाइँदैछ संविधान दिवस

धादिङबेसी । धादिङमा यस बर्षको संविधान दिवस विभिन्न कार्यक्रमका साथ भव्य तरिकाले मनाइने भएको छ । २०७६ सालको.....

कालुपाण्डेमार्गमा बस दुर्घटना, १० जना घाइते

धादिङ २७ भदौ - धादिङको सिद्धलेक गाउँपालिका वडा नम्बर - ६,मा पर्ने मुक्तिनाथ मन्दिर नजिकै कालुपाण्डे मार्गमा.....

धादिङ अस्पताललाई प्रदेश सरकारको एक करोड २५ लाख अनुदान

धादिङ, २८ भदौ - प्रदेश नं ३ सरकारले धादिङ जिल्ला अस्पतालकाका साथै ३ नम्बर प्रदेशका आठ वटा सरकारी अस्पतालको सेवा.....

Categories