सांकेतिक भाषाका दोभाषेहरुको लागि आचारसंहिता बन्दै

180 पटक पढिएको

प्रकाशित मिति: २१ भाद्र २०७०, शुक्रबार १०:०५

सम्पादक: Dhadingnews.com

 

 

धादिङ,/ सांकेतिक भाषामा कार्यरत दोभाषेहरुको धादिङमा सम्पन्न राष्ट्रिय भेलाले दोभाषेहरुको लागि आचारसहिता तयार पारेको छ ।
आचारसंहितामा सांकेतिक भाषाका दोभाषेहरुको सम्मान,निरन्तरता, गोपनियता लगायतका १० वटा बुंदाहरु समेटिएका छन । राष्ट्रिय सांकेतिक भाषा दोभाषे संघ नेपालको आयोजना तथा राष्ट्रिय वहिरा संघ, परिलक्षित नेपाल र अन्र्तराष्ट्रिय सांकेतिक भाषा दोभाषे संघको सहयोगमा धादिङ वहिरा संघ द्धारा धादिङबेसीमा चार दिन सम्म संचालित सांकृतिक भाषा दोभाषेहरुको लागि आचारसंहिता तथा तालिम पाठ्यक्रम निर्माण कार्यशाला गोष्ठिले आचार संहिताको तयार पारेको हो ।
शुत्रवार धादिङबेसीमा कार्यशालाको समापन गर्दै शिक्षा मन्त्रालयका सह प्रवक्ता रोजनाथ पाण्डेले फरक क्षमता भएका व्यक्तिहरुका लागि सरकारले छुट्टै भाषा र शैलिको पाठ्यक्रम तयार पार्नुपर्नेमा वहिरा संघ आंफैले पाठ्यक्रम र आचारसंहिता बनाएर राज्यलाई झकझकाएको वताए । देशका सबै गाविसमा वहिरा तथा सुस्त श्रवण भएका व्यक्तिहरु रहेकाले अवका दिनमा प्रत्येक गाविसमा कम्तिमा एक जना र सरकारी कार्यालयहरुमा पनि एक–एक जना सांकेतिक भाषाका दोभाषेहरुको व्यवस्था गर्न सरकारी तथा गैर सरकारी निकायले पहल गर्न सकेमात्रै बहिराहरुले राज्यको सेवा सुविधा उपभोग गर्न सक्ने पाण्डेको सुझाव छ । सांकेतिक भाषाको पाड्यक्रम र आचार संहिता शिक्षाको अधिकारवाट बञ्चित वहिरा समुदायको लागि उपयोगी बन्ने पाण्डेले वताए ।
अन्र्तराष्ट्रिय सांकेतिक भाषा दोभाषे संघका पुर्व अध्यक्ष भाषा बिशेषज्ञ प्राध्यापक डाक्टर माइक मोर्गन र राष्ट्रिय सांकेतिक भाषा दोभाषे संघका परामर्शदाता जेम्स होमाको सहयोगमा सांकेतिक भाषाका दोभाषेहरुको आचारसंहिताको मस्यौदा तयार पारिएको राष्ट्रिय वहिरा महासंघ नेपालका महासचिव केपि अधिकारीले वताए । चार दिन सम्म संचालन भएको कार्यक्रममा देशका ३३ जिल्लामा कार्यरत सांकेतिक भाषा दोभाषेहरुको सहभागिता रहेको थियो । सांकेतिक भाषाका दोभाषेहरुको लागि देशव्यापी रुपमा एउटै आचार संहिता बनाएर कार्यान्यवनमा ल्याउने लक्ष्यका साथ आचारसंसहिताको मस्यौदा तयार पारिएको र यस्लाई केही दिनमा सार्वजनिक गरिने राष्ट्रिय सांकेतिक भाषा दोभाषे संघ नेपालले जनाएको छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२१ भाद्र २०७०, शुक्रबार १०:०५ मा प्रकाशित

समाचार

सबै

गल्छी गाउँपालिकाले चिन्न नसकेको प्रतिभा इश्वरी अधिकारी

धादिङ -गत वर्ष काठमाडौं स्थित् नोबेल एकेडीमीबाट व्यवस्थान संकायतर्फ प्लस टुमा नेपाल टप गर्दै गर्दा इश्वरी अधिकारीलाई सारा नेपालीले चिने । नचिनोस्, पनि कसरी, अधिकारीले राष्ट्रिय परीक्षा बोर्डको कक्षा १२ मा.....

स्वच्छ खानेपानीका लागि आयोजना निर्माण तिव्र गतिमा

धादिङ, १३ माघ । खानेपानीको अभाव झेल्दै आएका स्थानीयबासीको समस्या समाधानका लागि जिल्लाका विभिन्न स्थानमा सरकारी.....

मोटरसाईकलको ठक्करबाट बद्रीबहादुर कार्कीको मृत्यु

धादिङ, ११ माघ - मोटरसाइकलको ठक्करबाट शुक्रवार राती धादिङको बैरेनीवजार स्थित पृथ्वीराजमार्गमा एक जनाको मृत्यु.....

बिदुरको अधुरै रह्यो जापान फर्कने सपना

धादिङ-तिहारमा जापानबाट फर्केका ३० वर्षीय विदुर गुरुङ भूकम्पले भत्काएको घर निर्माण गर्ने तरखरमा थिए । जापानमा.....

सुन्दरी माविलाई खेलकुद सामाग्री हस्तान्तरण

धादिङको त्रिपुरासुन्दरी गाउँपालिका वडा नम्बर ६ मा रहेको सुन्दरी माविलाई खेलकुद सामाग्री हस्तान्तरण गरिएको छ.....

Categories