धादिङ, ४ माघ २०८१ । धादिङ जिल्लाको सदरमुकाम धादिङबेसीमा बागमती साहित्यिक महोत्सव हुने भएको छ ।

आगामी फागुन १६ र १७ गते सदरमुकाम धादिङबेशीमा बागमती साहित्यिक महोत्सव हुन लागेको हो ।

प्रदेशको संस्कृति, पर्यटन तथा नागरिक उड्डयन मन्त्रालयको  सहयोगमा कर्मचारी मिलन केन्द्र धादिङ, नीलकण्ठ प्रज्ञा प्रतिष्ठान,नेपाल पत्रकार महासंघ धादिङको व्यवस्थापनमा साहित्यिक महोत्सव हुने भएको हो।

 कर्मचारी मिलन केन्द्र धादिङका अध्यक्ष विष्णु प्रसाद आचार्यको अध्यक्षतामा  शुक्रबार बसेको बैठकले बागमती साहित्यिक महोत्सव गर्ने  निर्णय गरेको हो।बैठकले महोत्सव संचालन गर्न  मुल संयोजन समिति गठन गरेको छ। मिलन केन्द्रका अध्यक्ष आचार्यको संयोजकत्वमा गठन भएको समितिमा प्रकाश पौडेल, गायत्री खतिवडा, सिताराम अधिकारी, डा.नविन बन्धु पहाडी, देवी प्रसाद अधिकारी र लालकाजी श्रेष्ठ सदस्य रहेका छन् । महोत्सवले साहित्यिक ऐतिहासिक सम्बन्धलाई सुमधुर बनाउने तथा कला, संस्कृति र साहित्यको प्रवर्धनमा सहयोग पुग्ने बताइएको छ।