धादिङ,२३ बैशाख –नेपाल पत्रकार महासंघको नयां नेतृत्वमा धादिङ जिल्लाका ३ जना निर्वाचित हुनुभएको छ । यसरी निर्वाचित हुनेहरुमा एशोसियट सचिवमा धादिङ मुरलीभञ्ज्याङ गाविस वडा नम्बर ८ निगालपानीका ध्रुव लम्साल,पश्चिमाञ्चल सदस्यमा मैदीका रुद्र भट्ट र उपत्यका सदस्यमा वेनिघाटका रामहरी सिलवाल हुनुहुन्छ । प्रगतिशिल समूहवाट विजयी हुनुभएका लम्साल र सिलवाल प्रेस चौतारीका र भट्ट क्रान्तिकारी पत्रकार संघमा आवद्ध हुनुहुन्छ । पोखरामा रहेर पत्रकारिता गर्दै आईरहनु भएका भट्ट यस अघि पनि महासंघमा पश्चिमाञ्चल क्षेत्रको सदस्य हुनुहुन्थ्यो । निवर्तमान कार्य समितिको महासचिव ओम शर्मा पनि धादिङकै हुनुहुन्थ्यो ।