धादिङ,- घांस काट्न गएको बेला करेन्ट लागेर धादिङको नीलकण्ठ नगरपालिका वडा नम्बर ३ चैनपुरकी एक महिलाको ज्यान गएको छ ।
नीलकण्ठ नगरपालिका वडा नम्बर ३ चैनपुर घर भएकी २६ बर्षिया संगिता नेपालीको नीलकण्ठ–१२ को कुंडुलेफाँटमा घांस काट्दै गर्दा विहीवार दिउंसो १२ वजे तिर करेण्ट लागेर ज्यान गएको हो । हावाहुरीका कारण खेतको बिचमा रहेको बिद्युत्त प्रशारणको पोल ढलेर करेण्ट सर्ट भएका कारण घांस काट्दै गर्दा नेपालीको ज्यान गएको स्थानीयले वताएका छन । नेपालीको शव शल्यपरिक्षणका लागि धादिङ जिल्ला अस्पताल ल्याईएको जिल्ला प्रहरी कार्यालय धादिङले जनाएको छ ।
सदरमुकाम नजिकै बिद्युत्तको पोल ढलेर समस्या हुंदासमेत नेपाल बिद्युत्त प्राधिकरणले समस्या भएको स्थान पत्ता लगाउन नसक्दा उक्त दुर्घटना भएको हो । प्राधिकरणको लापरवाहीले गर्दा संगिताको ज्यान गएको भन्दै घटनाको छानविन गरी उचित क्षतिपूर्ति दिनुपर्ने मृत्तकका आफन्तहरुले वताएका छन ।