धादिङ ,- धादिङ जिल्लाको जोगिमारा गाविसमा पर्ने पृथ्वीलोकमार्गकोे हुग्दीखोलामा शुक्रवार विहान – आज विहान) मालवाहक कन्टेनर दुर्घटना हुदा २ जनाको मृत्यु भएको छ । काठमाण्डौवाट मुग्निलनतर्फ जादै गरेको ना ५ ख १७४१ नम्वरको कन्टेनर हुग्दीखोलाको पुलवाट खोलामा खस्दा २ जनाको घटनास्थलमा नै मृत्यु भएको जोगिमारा प्रहरी चौकीले जनाएको छ । प्रहरीका अनुसार मृत्यु हुने मध्य कन्टेनरका चालक वाराका विनोद शाह कलवार रहेका छन भने अर्को व्यक्तीको भने सनाखत हुन सकेको छैन ।
त्यसैगरि विहीवार साझ धादिङको त्रिपुरेश्वरवाट सल्यानकोट तर्फ जाँदै गरेको ट्रक दुर्घटना हुँदा चार जनाको मृत्यु भएको छ । ग्रामीण सडक हुंदै सल्यानकोट जान लागेको बा ३ ख २९२७ नम्बरको स्वराज ट्रक दुर्घटना हुदा ट्रकमा रहेका चार जनाको मृत्यु भएको हो । गिट्टी बोकेर सल्यानकोट जादँै गरेको ट्रक त्रिपुरेश्वर गाविसको वडा नम्बर १ जंगलमा उकालो चढ्नेक्रममा एक्कासी पछाडि हट्दासडकबाट करिब २०० मिटर तल खस्न पुगेको थियो ।
उक्त दुर्घटनामा परि मृत्यु हुनेमा धादिङ सल्यानकोट ४ का ९ वर्षिया सुन्दरी बस्याल, ९ वर्षका रविन्द्र राना र ६० बर्षिया मीरा नेपालीको घटनास्थलमानै र सल्यानकोट ५ बस्ने २८ बर्षिय दिपक परियारको धादिङ जिल्ला अस्पतालमा उपचारका क्रममा मृत्यु भएको थियो । दुर्घटनाबाट परि घाईते भएका चालक सहित अन्य ४ जनाको काठमाडौ महाराजगंज स्थित त्रि वि शिक्षण अस्पतालमा उपचार भइरहेको छ ।