काठमाडौं / निर्वाचन आयोगले समानुपातिकतर्फ दलहरुले पाएको सिट सार्वजनिक गरेको छ ।  सिट संख्याका बारेमा राजनीतिक दललाई जानकारी गराउँदै आयोगले समावेशी हुनेगरी नाम सिफारिस गर्न आग्रह गरेको छ ।

आयोगका अनुसार नेपाली काँग्रेसले समानुपातिक तर्फ ९१, एमालेले ८४, माओवादीले ५४ र राप्रपा नेपालले २४ सिट पाएका छन् । १ सय २२ दलले समानुपाति तर्फ दल दर्ता गरेकोमा ३० दलको प्रतिनिधित्व भएको छ भने ९२ दल बाहिरिएका छन् ।

अघिल्लो संविधान सभामा प्रतिनिधित्व भएका नेपाल सदभावना पार्टी र चुरेभावर पार्टी बाहिरिएका छन भने आठ वटा नयाँ दल संविधान सभामा प्रवेश गरेका छन् । अहिलेको संविधानसभाका लागि तराई मधेस सदभावना पार्टी, राष्ट्रिय मधेस समाजवादी पार्टी, संघीय सदभावना, खम्बुवान राष्ट्रिय मोर्चा, अखण्ड नेपाल, थरुहट तराई पार्टी, जनजागरण पार्टी र मधेस समता पार्टी नयाँ हुन् ।

कसले कति सिट पाए तलको तालिकामा हेर्नुहोस् ।