कच्चा पदार्थ अभावमा नेपाली कागज उद्योग संकटमा

149 पटक पढिएको

प्रकाशित मिति: १ पुष २०७४, शनिबार १२:५३

सम्पादक: Dhading News

2074-7-30 nepali kagaj (1)राजेन्द्र बस्नेत
विशालनगर (धादिङ), – नेपालीहरुको आधिकारिक कागज नेपाली कागज उत्पादनमा प्रयोग हुने कच्चा पदार्थ अभावमा नेपाली कागज उद्योग संकटमा परेको छ । पछिल्लो समय लोक्ताको उत्पादन घटेकाले चाहेजति कच्चा पदार्थ जम्मा गर्न नसक्दा उद्योग सञ्चालनमा संकट आएको सानुकाजी श्रेष्ठले बताए । सरकारी तवरबाट लोक्ता उत्पादन र नेपाली कागज उद्योग सञ्चालनमा उदाशिन हुदाँ धादिङ जिल्लाको एक मात्र नेपाली कागज उद्य्योग समस्यामा परेको श्रेष्ठ बताए ।
सरकारले कच्चा पदार्थ (लोक्ता) उत्पादन र उद्योग सञ्चालनमा सहयोग गर्ने हो भने नेपाली कागज सरकारी तथा गैरसरकारी कामकाजमा प्रयोग गर्न सकिने उनको दावी छ । नेपाली कागजमा लेखिएका अक्षरहरु लामो समयसम्म नमेटिने भएकाले सरकारी कामकाजमा अनिवार्य रुपमा नेपाली कागज प्रयोग गर्नु पर्ने श्रेष्ठको सुझाव छ । नेपाली कागजको कच्चा पर्दाथ लोक्ता धादिङ जिल्लाकोे वसेरी, गुम्दी, रिगाँउ, तिप्लिङ, सेर्तुङ, दार्खा र गोरखाको थुमी, लापु, बारपाक, केरुङ्जा, कासीगाँउका जंगलमा पाइन्छ । त्यहाँका स्थानीयहरुले लोक्ता विक्री गर्न ल्याउछन् । तर हरेक वर्ष लोक्ताको उत्पादन घट्दै गएकोले नेपाली कागजको उत्पादन पनि घटेकोे श्रेष्ठले बताए ।
२०४१ सालबाट गोरखा आरुचनौटेमा मनास्लु कागज उद्योग सञ्चालन शुरु गरेका श्रेष्ठ अहिले धादिङको त्रिपुरा सुन्दरी गाँउपालिका १ विशालनगरमा श्रेष्ठ नेपाली कागज उद्योग सञ्चालन गर्दै आएकाछन् । २०५२ साल फागुन ७ गते मनास्लु कागज उद्योगमा तत्कालिन माओवादीले क्षति पु¥याएपछि श्रेष्ठ धादिङको विशालनगरमा आएर नेपाली कागज उद्योग सञ्चालनलाई निरन्तरता दिएका हुन । उद्योगमा १८ जना कर्मचारी कार्यरत छन् । कर्मचारीको तलवमा मात्र वार्षिक २९ लाख खर्च हुने र लोक्ता खरिदमा ३० लाख खर्च हुने श्रेष्ठले बताए । दुई सय पिस (एक कोरी) कागज उत्पदान गर्न १ हजार ५ सय लगानी हुने र एक हजार ७ सयमा विक्री गरिन्छ । वार्षिक उत्पादन पाँच हजार ५ सय कोरी कागज उत्पादन हुने र विक्रीबाट ९० लाख आम्दानी हुन्छ सवै खर्च कटाएर १० लाख मुनाफा हुने श्रेष्ठले बताए । नेपाली कागज काठमाण्डौ, विरगञ्ज, नारायणघाट लगायतका शहरमा पठाउदै आएकाछन् । विद्युतिय उपकरण (कम्प्युटर) प्रयोगमा आउनु अघिसम्म सरकारी र घरायसी कामकाजका लागि नेपाली काजग नै प्रयोग गरिन्थ्यो । अहिले कम्प्युटरबाट प्रिन्ट गर्ने नाममा नेपाली काजगको प्रयोग गर्न छोडिएकोमा नेपाली कागज उत्पादक श्रेष्ठ असन्तुष्ट छन् ।


१ पुष २०७४, शनिबार १२:५३ मा प्रकाशित

समाचार

सबै

अवैध बालुवा खानी वन्द गर्न धादिङका प्रजिअको निर्देशन

 धादिङ–अवैधानिक रुपमा सञ्चालन भइरहेका बालुवा धुने उद्योग फिरफिरे यन्त्रलाई दिइँदै आएको विद्युत्त तुरुन्त काट्न स्थानीय प्रशासनले विद्युत्त प्राधिकरणलाई निर्देशन दिएको छ । घरायसी प्रयोजन भनेर.....

सुरुङमार्ग निमार्णको ५ स्थानमा सम्भाव्यता अध्ययन

सरकारको १४औं योजनामा प्राथामिकतामा परेको विभिन्न स्थानमार्फत शुरुङमार्ग निमार्ण गर्ने प्रक्रियालाई अघि.....

यी हुन् देउवा सरकारले नियुक्त गरेका सात प्रदेश प्रमुख

नेकपा एमाले र माओवादी केन्द्रलाई बाहिरै राखेर सरकारले प्रदेश प्रमुख तोकेको छ । सात प्रदेश प्रमुख मध्ये नेपाली.....

अमेरिकाको न्यूयोर्कमा डम्फु साँझ, घन्कियो म्हेन्दोमाया

अमेरिका-२८५४ औँ खि सोनम ल्होसारको अवसरमा तामाङ सोसाइटी अफ अमेरिका तामाङ सोसाइटी अफ अमेरिका ( टिएसए ) द्धारा डम्फु.....

साक्षरताको नाममा नाटक मञ्चन ,पूर्ण साक्षर जिल्ला धादिङमा ल्याप्चे नै ल्याप्चे

धादिङ माघ २,  । चार बर्ष अघि धादिङ जिल्लालाई निकै तामझामका साथ पूर्ण साक्षर जिल्ला घोषणा गरियो । साक्षर जिल्ला.....