विद्यार्थीको हाजिर अब मेसिनबाट

74 पटक पढिएको

प्रकाशित मिति: १ आश्विन २०७०, मंगलवार ००:४१

सम्पादक: Dhadingnews.com

 
काठमाडौँ, / विद्यालय वा क्याम्पसमा अब दैनिक हाजिरकापी लगेर कराइकराई झन्झटिलो तरिकाले हाजिरी लिनु नपर्ने भएको छ । हारती कम्प्युटर सर्भिसेज काठमाडौँले विद्यार्थीको हाजिरीसम्बन्धी विद्युतीय हाजिरी प्रणाली मेसिन (स्टुडेन्ट एटेन्डेन्स सफ्टवेयर)को विकास गरेपछि उक्त झन्झटबाट मुक्ति पाइने भएको हो ।
विद्यार्थीको उपिस्थितिको हाजिरी मेसिनबाटै लिन सकिने भएपछि उनीहरु कति बजे स्कुल कलेज पुगे, कति बजे बाहिरिए भन्ने मात्रै होइन, आवतजावतको सबै हिसाब मेसिनले नै राख्ने हारती कम्प्युटर सर्भिसका प्रबन्धक न्यूटनप्रसाद सुवालले जानकारी दिनुभयो । उहाँका अनुसार यस्तो सफ्टवेयरको विकास भएको यो नेपालमै पहिलोपटक हो । यस सफ्टवेयरको विकासबाट आमाबुबा वा आफन्तले बालबालिका कति बजे स्कुल कलेज पुगे, कति बजे बाहिरिए भन्नेबारे सजिलै घरमै बसेर हेर्न सक्नेछन् । इमेल आइडीजस्तै सफ्टवेयरबाट छुट्टै आइडी बनाएर घरबाट नै विद्यार्थी कलेज÷स्कुलमा प्रवेश गरेको छ छैन, कति बजे बाहिरियो भन्ने थाहा पाउन सक्ने उहाँको कथन छ ।
सूचना प्रविधिको विकासले त्यो सम्भव भएको सुवालको भनाइ छ । अत्यधिक विद्यार्थी चाप भएर व्यवस्थित गर्न असहज स्कुल कलेजहरुका लागि यो बढी उपयोगी हुने हारतिकी प्रडक्ट मार्केटिङ अफिसर रजनी द्रुतराजले बताउनुभयो । उहाँका अनुसार यसले विद्यार्थीलाई अनुशासित, जिम्मेवारसमेत बनाउनेछ । यसले स्कुल कलेजको शैक्षिक स्तर उकास्नमा मद्दत मिल्ने उहाँको भनाइ छ । हाजिरकापी लिएर दैनिक कक्षामा हाजिर लिनुपर्दा झन्झटिलो हुनाका साथै समय खेर जाने, ठूलोठूलो स्वरले कराउनुपर्ने झन्झट हट्नेछ । साथै विद्यार्थीको आवतजावत मेसिनबाट नै हेर्न सकिने भएकाले अझ व्यवस्थित हुनेछ / रासस


धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

१ आश्विन २०७०, मंगलवार ००:४१ मा प्रकाशित

समाचार

सबै

बढ्यो सामाजिक सुरक्षा भत्ता

काठमाडौं । सरकारले बृद्ध भत्ता बढाएको छ । बढेको भत्ता अव कार्यान्वयनमा समेत आएको छ । सरकारले चालु आर्थिक वर्ष २०७६–७७ को बजेटमा घोषणा गरेअनुसार ज्येष्ठ नागरिकदेखि सबै शीर्षकका सामाजिक सुरक्षा भत्ता बढाएको.....

पहिरोले भत्काएको दुई महिनापछि स्याफ्रु–मैलुङ सडक मर्मतकार्य शुरू

भदौ २९, रसुवा । पहिरोका कारण गत असार महीनाबाट अवरुद्ध स्याफ्रु–मैलुङ खण्डको नयाँ राजमार्ग शनिवारबाट मर्मतकार्य.....

धादिङमा यसरी मनाइँदैछ संविधान दिवस

धादिङबेसी । धादिङमा यस बर्षको संविधान दिवस विभिन्न कार्यक्रमका साथ भव्य तरिकाले मनाइने भएको छ । २०७६ सालको.....

कालुपाण्डेमार्गमा बस दुर्घटना, १० जना घाइते

धादिङ २७ भदौ - धादिङको सिद्धलेक गाउँपालिका वडा नम्बर - ६,मा पर्ने मुक्तिनाथ मन्दिर नजिकै कालुपाण्डे मार्गमा.....

धादिङ अस्पताललाई प्रदेश सरकारको एक करोड २५ लाख अनुदान

धादिङ, २८ भदौ - प्रदेश नं ३ सरकारले धादिङ जिल्ला अस्पतालकाका साथै ३ नम्बर प्रदेशका आठ वटा सरकारी अस्पतालको सेवा.....

Categories