वाशिङटन – इजरायल र हमासले अमेरिकी प्रस्तावित गाजा सम्झौताकाे पहिलो चरणमा सहमति जनाएका छन्, जसअनुसार सबै इजरायली बन्धकहरूको रिहाइ हुनेछ भन्ने कुरा अमेरिकी राष्ट्रपति डोनाल्ड ट्रम्पले बुधबार घोषणा गरेका छन्।

“म निकै गर्वका साथ घोषणा गर्न चाहन्छु कि इजरायल र हमास दुवैले हाम्रो शान्ति योजनाको पहिलो चरणमा सहमति जनाएका छन्,” ट्रम्पले ले वताएका छन् ।

“यसको अर्थ सबै बन्धकहरूलाई चाँडै नै रिहा गरिनेछ, र इजरायलले आफ्नो सेना सहमति भएको रेखासम्म फिर्ता गर्नेछ, जुन एउटा मजबुत, दिगो र स्थायी शान्तितर्फको पहिलो कदम हुनेछ,” उनले थपे।

यो घोषणा हमासले इजरायलमाथि आक्रमण गरेको दोस्रो वार्षिकीको भोलिपल्ट आएको हो, जसले इजरायलको विनाशकारी गाजा आक्रमणलाई जन्म दिएको थियो।

गाजा अधिकारीहरूको अनुसार, २०२३ अक्टोबर ७ को हमास आक्रमणपछि इजरायलले सुरु गरेको सैन्य आक्रमणमा ६७,००० भन्दा बढी मानिसको मृत्यु भएको छ र गाजाको धेरैजसो क्षेत्र ध्वस्त भएको छ।

इजरायली अधिकारीहरूका अनुसार, उक्त आक्रमणमा १,२०० मानिस मारिएका थिए र २५१ जना बन्धक बनाइएका थिए। हाल तीमध्ये २० जना मात्र जीवित रहेको विश्वास गरिन्छ।

यसअघि बुधबार, ट्रम्पले भनेका थिए कि उनले यसै हप्ता इजिप्ट यात्रा गर्न सक्नेछन्, जहाँ उनका दूतहरूले युद्धविराम र बन्धक मुक्तिको सम्झौता पक्का गर्न वार्ता गरिरहेका छन्।