वैदेशिक रोजगारीमा जानेहरूको स्वास्थ्य परीक्षणमा मनपरी

67 पटक पढिएको

प्रकाशित मिति: २८ मंसिर २०७४, बिहीबार ०९:०८

सम्पादक: Dhading News

ef34710d1a99d684dac2a292b9a0419a1513212087

नेपाली युवाहरूलाई वैदेशिक रोजगारीमा पठाउने र नियमन गर्ने क्षेत्रमा बेथिति व्याप्त छ । वैदेशिक रोजगार व्यवसायी भनिने निजी संस्था र स्वास्थ्य परीक्षण गर्ने संस्थाहरूले त मनपरी गरेकै छन्, तिनलाई नियमन गर्ने सरकारी निकाय समेत उस्तै छ । वैदेशिक रोजगारीमा जानेहरूले स्वास्थ्य परीक्षण गराउनु पर्छ । स्वास्थ्य परीक्षण गर्न श्रम तथा रोजगार मन्त्रालयको वैदेशिक रोजगार विभागबाट अनुमति पाएको हुनुपर्छ । तोकिएको मापदण्ड पूरा नगर्ने स्वास्थ्य संस्थाले अनुमति पाउँदैन ।  अनुमति पाएर पनि तोकिएका शर्तहरू पूरा नगर्ने संस्थाको अनुमति विभागले खारेज गर्ने गरेको छ । नियमनचाहिँ कति कमजोर छ भने, अनुमति खारेज भएको संस्थाले स्वास्थ्य परीक्षण गरिहेको छ तर विभागले नदेखेजस्तो गरेको इ हिमालय टाइम्सले खबर लेखेको छ ।

वैदेशिक रोजगार ऐनअनुसार धरौटी जम्मा नगरेका ३५ वटा स्वास्थ्य संस्थाको अनुमति रोक्का तथा खारेज भएको विवरण वैदेशिक रोजगार विभागमा छ तर तीमध्ये धेरैले स्वास्थ्य परीक्षण गरिरहेका छन् । धेरैजसो संस्था तोकिएको समयमा धरौटी रकम नबुझाएका कारणले खारेजीमा परेका हुन् । स्वास्थ्य परीक्षण गराउन जानेहरूलाई संस्थाको हैसियतबारे जानकारी गराउने कुनै प्रणाली छैन । रोक्का वा खारेजीमा परेकाहरूले अवैध ढंगले काम गर्दैछन् कि भनेर अनुगमन हुँदैन । विभागले उजुरी परेको अवस्थामा मात्र कारबाही गर्छ । यही कमजोर अनुगमनबाट त्यस्ता संस्थाहरूले अनुचित फाइदा लिइरहेका छन् । त्यस्ता संस्थाले दिएको स्वास्थ्य परीक्षणको प्रमाण नक्कली र अवैध ठहर्छ । यस्तो ठगीबाट भएको क्षतिको पूर्ति कसरी हुन्छ भन्ने जवाफ नियामक निकायसँग हुनुपर्छ ।

स्वास्थ्य परीक्षणमा भइरहेको यस्तो ठगीबारे वैदेशिक रोजगार विभाग बेखर छैन तर उजुरी पर्खेर बसेको छ । ठगी भइरहेको छ भन्ने जानकारी भएको अवस्थामा पनि उजुरी नै पर्खेर बस्नु नियामक निकायको उदासिनता वा गैरजिम्मेवारी नै हो । कारबाहीमा परेका संस्थाहरूले फुकुवाका लागि प्रयास गर्ने गरेका छन् । फुकुवामा आर्थिक चलखेल समेत हुने गरेको छ । यसमा अख्तियार दुरुपयोग अनुसन्धान आयोगले पनि चासो राखेको थियो । वैदेशिक रोजगार विभागका अधिकारीहरू भने खारेजीमा परेकाले स्वास्थ्य परीक्षण नगरेका दाबी गरिरहेका छन् । उनीहरूले उजुरी नपर्नुलाई दाबीको प्रमाण मान्ने गरेका छन् । अनुमति खारेज भएको छ भनेर सरोकारवालाले जानकारी पाउनुपर्छ भन्नेमा  विभागले ध्यान दिएको छैन ।

ठगी गर्नेलाई कानुनबमोजिम कारबाही गर्ने, नियमित अनुगमन गर्ने, सरोकारवालाहरूलाई उपयुक्त माध्यमबाट जानकारी गराउने जिम्मेवारी नियामक निकायको हो । कुनै पनि वहानामा उनीहरूको कामकारबाही कमजोर हुनु हुँदैन । वैदेशिक रोजगारमा जानेको स्वास्थ्य परीक्षणमा लामो समयदेखि बेइमानी हुँदै आएको छ । एकाधिकार स्थापित गर्ने र परीक्षणको प्रक्रिया पूरा नगरी निरोगिताको प्रमाण बनाइदिने जस्ता बेथितिबारे नियामक निकायहरू बेखबर छैनन् । यहाँ परीक्षण गराएर गएकाहरूको निरोगिताको प्रमाण रोजगारदाताले अस्वीकार गर्ने तथा त्यहाँको परीक्षणमा फरक नतिजा आउने जस्ता घटना बाक्लै हुने गरेका छन् । तैपनि बेथिति नियन्त्रण हुन सकेको छैन । सरकारको नियामक निकाय जिम्मेवार हुनैपर्छ । अवैध धन्दा रोकिनुपर्छ । सेवाग्राही ठगिनु हुँदैन ।


२८ मंसिर २०७४, बिहीबार ०९:०८ मा प्रकाशित

समाचार

सबै

अवैध बालुवा खानी वन्द गर्न धादिङका प्रजिअको निर्देशन

 धादिङ–अवैधानिक रुपमा सञ्चालन भइरहेका बालुवा धुने उद्योग फिरफिरे यन्त्रलाई दिइँदै आएको विद्युत्त तुरुन्त काट्न स्थानीय प्रशासनले विद्युत्त प्राधिकरणलाई निर्देशन दिएको छ । घरायसी प्रयोजन भनेर.....

सुरुङमार्ग निमार्णको ५ स्थानमा सम्भाव्यता अध्ययन

सरकारको १४औं योजनामा प्राथामिकतामा परेको विभिन्न स्थानमार्फत शुरुङमार्ग निमार्ण गर्ने प्रक्रियालाई अघि.....

यी हुन् देउवा सरकारले नियुक्त गरेका सात प्रदेश प्रमुख

नेकपा एमाले र माओवादी केन्द्रलाई बाहिरै राखेर सरकारले प्रदेश प्रमुख तोकेको छ । सात प्रदेश प्रमुख मध्ये नेपाली.....

अमेरिकाको न्यूयोर्कमा डम्फु साँझ, घन्कियो म्हेन्दोमाया

अमेरिका-२८५४ औँ खि सोनम ल्होसारको अवसरमा तामाङ सोसाइटी अफ अमेरिका तामाङ सोसाइटी अफ अमेरिका ( टिएसए ) द्धारा डम्फु.....

साक्षरताको नाममा नाटक मञ्चन ,पूर्ण साक्षर जिल्ला धादिङमा ल्याप्चे नै ल्याप्चे

धादिङ माघ २,  । चार बर्ष अघि धादिङ जिल्लालाई निकै तामझामका साथ पूर्ण साक्षर जिल्ला घोषणा गरियो । साक्षर जिल्ला.....