धादिङमा शुरु भयो जिल्लास्तरीय डण्डीवियो प्रतियोगिता

325 पटक पढिएको

प्रकाशित मिति: ५ फाल्गुन २०७५, आईतवार १८:३९

सम्पादक: धादिङ न्यूज

धादिङ, ५ माघ – लोप हुने अवस्थामा पुगेको नेपाली मौलिकता बोकेको डण्डीवियो खेलको संरक्षण र प्रचार प्रसार गरी यस्को महत्वका वारेमा जानकारी दिने उद्धेश्यले धादिङमा जिल्ला स्तरीय डण्डीवियो प्रतियोगिता शुरु भएको छ ।
नेपाल स्काउट धादिङ र नेपाल डण्डीवियो संघको आयोजनामा आईतबार देखि धादिङ जिल्लाको सदरमुकाम धादिङबेससीमा माध्यमिक बिद्यालय स्तरीय डण्डीवियो प्रतियोगिता शुरु भएको हो । प्रतियोगितामा जिल्लाका ४१ वटा माध्यमिक बिद्यालयका बिद्यार्थीहरु सहभागी भएका छन् ।
आईतबार विहान सदरमुकाम धादिङबेसीमा विभिन्न बिद्यालयका बिद्यार्थी र धार्मिक एवम जातीय संघ संगठनका प्रतिनिधिहरुले वजारमा पञ्चैवाजा,भजन सहितको झाँकी निकालेका थिए । पुछारवजारबाट शुरु भएको सांस्कृतिक झाँकी वजार क्षेत्र परिक्रमा गरि टुँडिखेल सम्म पुगेको थियो । झाँकीमा उत्कृष्ठ प्रदर्शन गर्ने वालमन्दिर माविलाई प्रथम, एडभान्स एकेडेमीलाई दोश्रो, चिल्ड्रेनपार्क माविलाई तेश्रो र सुनगाभा एकेडेमीलाई सान्त्वना पुरस्कार दिईएको थियो ।
प्रतियोगिताको उद्घाटन धादिङ जिल्ला समन्वय समितिका प्रमुख जगन्नाथ नेपालले गर्नु भएको थियो । उद्घाटन कार्यक्रममा धादिङका प्रम्ुख जिल्ला अधिकारी भागिरथ पाण्डे, प्रहरी उपरिक्षक राजकुमार वैदवार, जिल्ला शिक्षा विकास तथा समन्य इकाईका प्रमुख शिव रेग्मी, नीलकण्ठ नगरपालिकाका उप प्रमुख मनराज भण्डारीको आतिथ्य रहेको थियो । यसै गरी ,थांक्रे गाउँपालिकाका प्रमुख रामकुमार आचार्य, उपप्रमुख अम्बिका रुपाखेतीका साथै जिल्ला स्थित विभिन्न सरकारी कार्यालय, संघ संस्थाका प्रमुखहरु लगायतको आतिथ्य रहेको थियो ।
प्रतियोगिताको उद्घाटन गर्दै जिल्ला समन्वय समितिका प्रमुख नेपालले नेपाली समाजको मौलिक खेल डण्डीवियो लोप हुने अवस्थामा पुगेकाले यस्ता खेलको संरक्षण गर्नु आवश्यक भएको र जिल्लास्तरीय प्रतियोगिताले डण्डीवियोको प्रचार प्रसार र संरक्षणमा मद्धत पुग्ने वताउनु भएको थियो ।
प्रतियोगितामा प्रथम हुनेले रु ५० हजार, द्वितिय हुनेले रु ३० हजार, तृतियले रु २० हजार र सान्त्वना हुने समूहले रु १० हजार नगद पुरस्कार पाउनेछन् । केही दशक अघि सम्म गाउँघरमा सबैभन्दा बढि खेलिने लोकप्रिय खेल भएपनि अहिले डण्डीवियो खेल हराई सकेको र नयाँ पुस्ताले नियम समेत जानकारी नपाएको हुंदा जिल्ला स्तरीय प्रतियोगिताको आयोजना गरिएको स्काउटका जिल्ला आयुक्त विनोदमान श्रेष्ठले जानकारी दिनुभयो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

५ फाल्गुन २०७५, आईतवार १८:३९ मा प्रकाशित

समाचार

सबै

काेराेना संक्रमित धादिङकी महिला ३८ हप्ते गर्भवती

धादिङ-धादिङको सिद्धलेक गाउँपालिका घर भएकी २३ बर्षिया एक महिलालाई कोरोना संक्रमण भएको पुष्टि भएको छ । काठमाण्डौंको थापाथलीस्थित परोपकार प्रसुती तथा स्त्रीरोग अस्पतालमा उपचाररत ति महिला ३८ हप्ते गर्भवती.....

धादिङकी एक महिलाले एकै पटक तीन शिशु जन्माइन

काठमाडौंको थापाथलीस्थित परोपकार प्रसूति तथा स्त्रीरोग अस्पतालमा धादिङकी एक महिलाले तिम्ल्याहा शिशु जन्माएकी.....

रोकिराखेको ट्रकमा हायस ठोक्किंदा १२ जनाको ज्यान गयो

  बाँके जिल्लाको ठुरिया जंगल स्थित प्रूर्व पश्चिम राजमार्गमा मध्यराति भएको सवारी दुर्घटनामा परि १२ जनाको.....

कोरोनाबाट विश्वभर १२८ नेपालीको मृत्यु

विश्वभर महामारीका रुपमा फैलिएको कोरोना भाइरस (कोभिड–१९) संक्रमणका कारण शनिवार (३० मे २०२०) साँझसम्म नेपाल बाहिर.....

सुकौराको विकासको लागि के गर्ने ?

मेरो सुकौरा आर्थिक वर्ष २०७७÷७८ को लागि त्रिपुरासुन्दरी गाउँपालिकाले समानीकरण अनुदानमाफर्त १३ करोड ८ लाख,.....

Categories