मनाङमा हिमपहिरोमा परेर बसेरीका अजय ढकालको मृत्यु

1433 पटक पढिएको

प्रकाशित मिति: २५ फाल्गुन २०७५, शनिबार ११:२९

सम्पादक: Dhading News

मनाङ । मनाङको क्याङ्दीमा हिमपहिरोमा पुरिएर एक जनाको मृत्यु भएको छ। त्यस्तै एक जना वेपत्ता भएका छन् । मृत्यु हुनेमा ट्रेकिङ गाइड धादिङ बसेरीका  अजय ढकाल छन् ।

नेदरल्याण्डका नागरिक भिनसेन्ट ब्लुम हराइरहेका छन् । उनीहरु दुई जना मात्र अन्नपूर्ण पदयात्रामा निस्किएका थिए । मनाङको निस्याङ गाउँपालिका-१ मा पर्ने क्याङ्दी भिरमा उनीहरु खसेका थिए ।

ढकालको शव शुक्रबार साँझ फेला परे पनि नेदरल्याण्डका भिनसेन्टलाई भने फेला पर्न सकिरहेका छैनन् । जिल्ला प्रहरी कार्यालय मनाङका इन्सपेक्टर श्रवण कुमार विकले उनको खोजी कार्य जारी रहेको जानकारी दिए ।

मनाङबाट फर्किने क्रममा यही फागुन २३ गते उनीहरु पहिरोमा परेका थिए । ढकालको शव हिउँले पुरिएको अवस्थामा शुक्रबार साँझपख फेला परेको थियो । नेदरल्याण्डका भिनसेन्टको खोजी कार्य जारी रहेको प्रहरीले जनाएको छ ।

ढकालका आफन्तले उनको मृत्यु सहज रुपमा भएको हुन नसक्ने भन्दै घटनाको छानविनको माग गरेका छन् । अजयका दाजु विमलराज ढकालले फेसबुक मार्फत अजय संग गएका विदेशी नागरिक विरामी परेको र मौसम खराव भएको वेलामा पनि ट्रेकिङ एजेन्सीले जवरजस्ती यात्रा गर्न वाध्य वनाएको, सम्पर्क विहिन हुंदा समेत खोजविन नगरेको संगै गएका अन्य पर्यटक र पथ प्रदर्शकले घटना भएको ठाउँ पार गरिसक्दा अजय र उनि संग भएका विदेशी मात्रै त्यहाँ पर्नुलाई संयोग मात्र मान्न नहुने वताएका छन् ।

विमलराजले आफ्नो फेसबुकवालमा लेखेका छन । “म कुनै हालतमा स्विकार गर्न तयार छैन मेरो मुटु मरेको यो यथार्थ हो कि मारेको । मौसम खराब भएको र विदेशी नागरिक अस्वस्थ रहेको अवस्थामा किन अर्को विकल्प नदिएर हिँडाईयो , अरु सारा त्यो ठाउँ पार गर्न सक्दा यी दुईले किन सकेनन्। विना सम्पर्क हुँदा यतीका दिन सम्म किन खोजी गरिएन ?? सम्बन्धित जो होस् छिट्टो जवाफ दे ……
मेरो मुटु आउन , बाबू आउन ….कसरी पत्याउँ कसरि मानु बाबु तिमी यति निष्ठुरि छौ हामीलाई छाडेर जान सक्छौ , बाबू मेरो बाबू तिम्रा असिमित रहरहरु कसरी त्याग्न सक्छौ ?”
त्यो अन्तिम पलमा कसरी परिचय पत्र निकाल्न सोँच आयो मेरो बाबू ? सहारा पाको भए आज यो सुन्न पर्थेन कति रोयौ करायौ होला मेरो बाबू कोहि पाएनौ सहारा , पैसा केवल पैसा मगजमा बोकेकाले तिम्रो बारे एक पटक सोँचेनन्



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२५ फाल्गुन २०७५, शनिबार ११:२९ मा प्रकाशित

समाचार

सबै

ब्रुसबाङका चेपाङलाई दशैंमा खाद्यान्न सहयोग

ब्रुसबाङ- दक्षिणी धादिङको विकटमा बसोबास गर्दै आएका अति विपन्न चेपाङ समुदायलाई खाद्यान्न सहयोग गरिएको छ । लायन्स क्लब नेपाल हाईलाईटको आयोजना मा धादिङको वेनिघाट रोराङ गाउँपालिका वडा नम्बर २ मा पर्ने.....

औषधिको राजा पिपलको पात

हाम्रो घर वरपर कतिपय प्राकृतिक बनस्पति उम्रिरहेका हुन्छन, तर चिन्न न सकेर व्यर्थ त्यसलाई नास पार्दै जान्छौ ।.....

कार्तिक १ देखि देशभरका सामुदायिक विद्यालयमा निःशुल्क स्यानिटरी प्याड

धादिङ। सरकारले आगामी १ कात्तिकदेखि देशैभरका सामुदायिक विद्यालयमा निःशुल्क स्यानिटरी प्याड उपलब्ध गराउने.....

खेस्टेखोलामा माइक्रो र मोटरसाइकल ठोक्किंदा रामकृष्ण भट्टको मृत्यु

धादिङ ,२४ असोज, । धादिङको गल्छी गाउँपालिका–७ मा पर्ने पृथ्वीराजमार्गको खेस्टेखोलामा माइक्रोबस र मोटरसाइकल एक.....

झुटो समाचार लेखाएर चरित्र हत्या गर्न खोजियो -सांसद लोहनी

धादिङ १८ असोज । धादिङ जिल्ला निर्वाचन क्षेत्र नम्बर २ का प्रतिनिधि सभा सदस्य एवम नेपाल कम्युनिष्ट पार्टी.....

Categories