धादिङबेसीको निःशुल्क भोजन कार्यक्रम प्रशासनद्वारा बन्द

1247 पटक पढिएको

प्रकाशित मिति: २७ चैत्र २०७६, बिहीबार १९:१७

सम्पादक: Dhading News

  • धादिङ न्यूज समाचारदाता

धादिङ । लकडाउनका कारण समस्यामा परेका विपन्न र दैनिक ज्याला मजदुरी गर्नेका लागि धादिङबेँशीमा सुरु गरिएको निःशुल्क भोजन कार्यक्रम स्थानीय प्रशासनले बन्द गरिदिएको छ । नीलकण्ठ नगरपालिकाले विभिन्न संघसंस्थाको सहयोग लिएर बुधबारदेखि सुरु गरेको निःशुल्क भोजन कार्यक्रम बिहीबार बिहानबाट रोकिएको हो । भीडभाडमा मान्छे जम्मा पारी खाना खुवाउँदा कोरोना संक्रमणको डर भएको भन्दै स्थानीय प्रशासनले प्रहरी लगाएर मेस बन्द गरिदिएको हो ।

कोरोना सङ्क्रमण फैलिन नदिन सरकारले देशैभर लकडाउन गरेको अवस्थामा नगरपालिकाले विपन्न र असहायहरूका लागि निःशुल्क भोजन कार्यक्रम सञ्चालन गर्दा बजारमा मानिसहरूको चहलपहल बढेर संक्रमणको जोखिम बढेको भन्दै मेस सञ्चालनमा रोक लगाउनु परेको धादिङका प्रहरी उपरीक्षक रवीन्द्र रेग्मीले बताउनुभयो ।

गरिब तथा विपन्न पहिचानका लागि नगरपालिकाले निवेदन माग गर्दा सम्पन्न व्यक्तिहरू समेत गरिबको सूचीमा नाम दर्ता गर्न आएपछि नगरपालिकाले अतिविपन्न र असहायहरूका लागि १४ वटै वडामा निःशुल्क भोजन गराउने निर्णय चैत २३ गतेको कार्यपालिकाको बैठकबाट गरिएको थियो । बुधबार बिहानबाट नीलकण्ठ माध्यमिक विद्यालयमा सुरु भएको सामूहिक मेस बिहीबार बिहानको खाना खाने समयमा प्रहरीले भाँडाकुंडा उठाएर लगेपछि नीलकण्ठ नगरपालिकालगायत उक्त कार्यक्रम सञ्चालन गर्ने संस्थाहरूले संयुक्त विज्ञप्ति जारी गर्दै आपत्ति जनाएका छन् ।

नगरपालिकाका प्रमुख भीमप्रसाद ढुङ्गाना, जिल्ला होटल संघका अध्यक्ष राजकुमार श्रेष्ठ, टोल सुधार महासमितिका अध्यक्ष नरबहादुर श्रेष्ठ, धादिङ चेम्बर अफ कमर्शका अध्यक्ष गोविन्दकुमार श्रेष्ठ र धादिङ उद्योग वाणिज्य संघका मध्य क्षत्रीय समितिका अध्यक्ष राजकुमार श्रेष्ठले संयुक्त बिज्ञप्ति जारी गर्दै प्रशासनको कदमप्रति विरोध जनाएका हुन् ।

प्रमुख जिल्ला अधिकारीको आदेश भन्दै सामूहिक भोजन स्थलबाट प्रहरीले जबर्जस्ती खाना पकाउने भाँडाकुंडा र अन्य सामान जफत गरी गरिब तथा विपन्नहरूको खान पाउने अधिकार खोसेको उनीहरूले बताएका छन् । बजारभित्रका गरिब तथा असहायहरूलाई आजैदेखि खाना खुवाउने कामको जिम्मा लिन उनीहरूले स्थानीय प्रशासनलाई आग्रह समेत गरेका छन् ।

भीडभाड र सामूहिकरूपमा भेला गर्दा कोरोना सङ्क्रमण फैलिन सक्ने भएकाले स्थानीय प्रशासनलाई यस्ता गतिविधिमाथि रोक लगाउन नेपाल सरकारले दिएको निर्देशनअनुसार सामूहिक भोजन कार्यक्रम बन्द गर्नु परेको स्थानीय प्रशासनले जनाएको छ ।

नीलकण्ठ नगरपालिकाले भने प्रशासनले बलमिच्याइँ गरेर गरिब तथा असहायहरूको छाक खोसेको आरोप लगाएको छ । सामूहिक भोजन कार्यक्रम धादिङ उद्योग वाणिज्य संघ, धादिङ चेम्बर अफ कमर्श, टोल सुधार महासमिति, जिल्ला होटल संघ र धादिङ सोसियल भोलेन्टियर्ससँगको सहकार्यमा सञ्चालन गरिएको थियो ।

आफूहरूले सबै सुरक्षा संयन्त्र अपनाएर निःशुल्क भोजन कार्यक्रम सुरु गरेकोमा जिल्ला प्रशासन कार्यालय धादिङले हस्तक्षेप गरी प्रहरीमार्फत भान्साका सम्पूर्ण भाँडाकुँडा र ग्यासलगायतका सामग्री जफत गरेकोप्रति नीलकण्ठ नगरपालिकाको गम्भीर ध्यानाकर्षण भएको नगरपालिकाका प्रवक्ता गौतमहरि अधिकारीले जानकारी दिनुभयो ।

नगरपालिकाले प्रमुख जिल्ला अधिकारीलाई जानकारी दिई बजार क्षेत्रमा माइकिङ गरेर ज्यालादारी र विपन्न वर्गलाई जानकारी गराई सुरु गरिएको निःशुल्क भोजन स्थलमा प्रहरी लगाएर स्थानीय प्रशासनले हस्तक्षेप गरेपछि नियमित खाना खाइरहेकालाई अब के गर्ने भन्ने समस्या उत्पन्न भएको अधिकारीले बताउनुभयो ।

नीलकण्ठ नगरपालिकाले सञ्चालन गरेको सामूहिक भोजनको बजारभित्रका एक समूहले विरोध गर्दै आएका थिए । राहत बितरण नगरी भोजन गराएको भन्दै सामाजिक सञ्जालहरूमा नगरपालिकाको विरोध भइरहेको थियो



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२७ चैत्र २०७६, बिहीबार १९:१७ मा प्रकाशित

धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो । आम नागरिकलाई सूचना, समाचार, विचार, विश्लेषण र विविध विषयमा सुसूचित गर्ने ध्येयका साथ संचालनमा रहेको धादिङ न्यूज डट कम निस्पक्ष सूचना र संचारको संवाहक हो । हामी स्वतन्त्र छौं, हामी कुनै पनि राजनीतिक. सामाजिक तथा अन्य किसिमका पूर्वाग्रहबाट अलग छौं । तपाईंको सूचना र संचारको हकको लागि समाजका विकृति र विसंगतिहरू बिरुद्ध हामी निरन्तर कलम चलाइरहनेछौँ । हामीलाई सूचना जानकारी उपलब्ध गराएर हाम्रो यस अभियानमा तपाईंले पनि साथ् दिन सक्नुहुनेछ ।  धादिङ जिल्लाको सूचना, समाचार, विचार र मनोरञ्जन छिटो छरितो रूपमा विश्वभर पुर्याउनु हाम्रो मुख्य उद्देश्य रहेको छ । ‘धादिङ न्यूज’ यहाँहरू सबैको डिजिटल पत्रिका हो ।व्यवसायको लागि विज्ञापन लगानी हो,धादिङ न्यूज डट कम मा कुनै पनि विज्ञापन वा सन्देश संप्रेषण गर्न  चाहनुहुन्छ भने हामीलाई सम्पर्क गर्न सक्नुहुनेछ ।

 

 

समाचार

सबै

सांसद भूमी त्रिपाठीद्वारा स्थानीय पूर्वाधार विकास साझेदारी कार्यक्रम सार्वजनिक

धादिङ । धादिङ जिल्ला निर्वाचन क्षेत्र नं १ का प्रतिनिधिसभा सदस्य भूमी त्रिपाठीले आर्थिक वर्ष २०७७/७८को स्थानीय पूर्वाधार विकास साझेदारी कार्यक्रम अन्तर्गत छनोट भएका योजना र बिनियोजित बजेट सार्वजनिक गर्नु.....

बूढीगण्डकी क्षेत्रका प्रभावित घरगोठको मुआब्जा माग्दै धर्नामा

धादिङ : राष्ट्रिय गौरवको आयोजनाको रुपमा चर्चा पाएपनि निर्माण कसरी हुने भन्ने बिषयमा गर्ने भन्ने टुंगो लाग्न.....

धादिङका पाँच स्थानीय तहमा अस्पताल शिलान्यास

धादिङ, १५ मंसिर । धादिङको पाँच वटा स्थानीय तहमा एकैदिन ५ वटा अस्पतालको शिलान्यास भएको छ । गुणस्तरीय आधारभूत.....

गोलभेँडाको दोब्बर मूल्य पाउँदा गौँथलेका किसान दङ्ग

नारायण ढुङ्गाना / (रासस) धादिङ : गत वर्ष उत्पादन कम र भाउ न्यून हुँदा धादिङ जिल्लाको सिद्धलेख गाउँपालिका वडा.....

नाबालिका बलात्कारको अभियोगमा त्रिपुरासुन्दरीका प्रकाश पक्राउ

पोखरा - नाबालिका बलात्कार गरेको अभियोगमा एक युवक पक्राउ परेका छन् । पक्राउ पर्नेमा धादिङ त्रिपुरासुन्दरी.....

Categories