धादिङका अनलाइन संचालकहरु संगठित, तदर्थ समिति गठन

1184 पटक पढिएको

प्रकाशित मिति: २४ जेष्ठ २०७७, शनिबार १९:३९

सम्पादक: Dhading News

धादिङ, २४ जेठ – धादिङ जिल्लाबाट सञ्चालित अनलाइन न्यूज पोर्टलहरुको व्यवसायिक हक हितको संरक्षण र सम्वद्र्धन गर्न डिजिटल मिडिया नेटवर्क (डिएमएन) धादिङको गठन गरिएको छ ।

शनिवार धादिङबेसीमा जुम मिटिङबाट सम्पन्न  भएको प्रथम भेलाले धादिङ न्यूज डट कमका प्रधान सम्पादक केशव अधिकारीको अध्यक्षतामा ११ सदस्यीय तदर्थ समिति गठन गरेको छ । समितिको उपाध्यक्षमा गोमा थापा (पिजनखबर डट कम), सचिवमा नारायण सिलवाल ( धादिङ पोष्ट डट कम), कोषाध्यक्षमा रामवहादुर ठकुरी ( नागरिक पाटी डट कम) चयन हुनु भएको छ ।

यसै गरी भेलाले कार्य समितिको सदस्यमा शिवप्रसाद देवकोटा ( रेडियो विहानी डट ओआरजी), दोलख गुरुङ (धादिङ अपडेट डट कम),बद्री अधिकारी ( धादिङ सञ्चार डट कम), विबेक अर्याल( इरातोपर्दा डट कम) र धमेन्द्र श्रेष्ठ ( स्काईसञ्चार डट कम) चयन गरेको छ । दुई जना सदस्य कार्य समितिले थप गर्ने छ । संस्था दर्ताका लागि विधान मस्यौदा समिति बनाउने निर्णय पनि भेलाले गरेको छ ।

भेलाले संगठित हुन र जिम्मेबार पत्रकारिताको दायरामा आउन आवश्यक सवै कार्यहरु गर्दै जाने बिषयमा पनि भेलमा छलफल भएको थियो । भेलाले अनलाईन संचालकलाई समस्या पर्दा एकजुट भएर सहयोग गर्ने, पेशागत हकहित संरक्षणसँगै पेशागत गुणस्तर बृद्धिका लागि निरन्तर कार्यक्रमहरु गर्ने निर्णय पनि गरेको छ ।

भेलामा विज्ञका रुपमा बोल्दै सामुदायिक रेडियो प्रसारक संघ (अकोराव)का केन्द्रिय सदस्य सरोज पौडेल, नेपाल पत्रकार महासंघ धादिङका सचिव राजाराम शर्मा, प्रेस संगठन नेपाल धादिङका संयोजक राजन अधिकारीले मर्यादित पत्रकारिताका लागि अनलाइनहरु प्रतिवद्ध हुनुपर्ने, पत्रकारिता पेशालाई मर्यादित, जिम्मेवार, र जनउत्तरदायी बनाउन सुझाव दिनुभएको थियो । जिम्मेबार सञ्चार माध्यमको रुपमा अनलाइन स्थापित हुनुपर्ने अतिथिहरुको सुझाव थियो ।

 

जिम्मेबार पत्रकारिताका मर्मलाई ख्याल गर्दै पेशालाई व्यवस्थीत गर्न, सहयोग तथा अनुभव आदानप्रदान गर्न र नीतिगत व्यवस्थाका लागि सजिलो हुने भएकाले संगठित हुनु परेको डिजिटल मिडिया नेटवर्क धादिङ तदर्थ समितिका अध्यक्ष अधिकारीले बताउनु भएको छ ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२४ जेष्ठ २०७७, शनिबार १९:३९ मा प्रकाशित

धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो । आम नागरिकलाई सूचना, समाचार, विचार, विश्लेषण र विविध विषयमा सुसूचित गर्ने ध्येयका साथ संचालनमा रहेको धादिङ न्यूज डट कम निस्पक्ष सूचना र संचारको संवाहक हो । हामी स्वतन्त्र छौं, हामी कुनै पनि राजनीतिक. सामाजिक तथा अन्य किसिमका पूर्वाग्रहबाट अलग छौं । तपाईंको सूचना र संचारको हकको लागि समाजका विकृति र विसंगतिहरू बिरुद्ध हामी निरन्तर कलम चलाइरहनेछौँ । हामीलाई सूचना जानकारी उपलब्ध गराएर हाम्रो यस अभियानमा तपाईंले पनि साथ् दिन सक्नुहुनेछ ।  धादिङ जिल्लाको सूचना, समाचार, विचार र मनोरञ्जन छिटो छरितो रूपमा विश्वभर पुर्याउनु हाम्रो मुख्य उद्देश्य रहेको छ । ‘धादिङ न्यूज’ यहाँहरू सबैको डिजिटल पत्रिका हो ।व्यवसायको लागि विज्ञापन लगानी हो,धादिङ न्यूज डट कम मा कुनै पनि विज्ञापन वा सन्देश संप्रेषण गर्न  चाहनुहुन्छ भने हामीलाई सम्पर्क गर्न सक्नुहुनेछ ।

 

 

समाचार

सबै

सांसद भूमी त्रिपाठीद्वारा स्थानीय पूर्वाधार विकास साझेदारी कार्यक्रम सार्वजनिक

धादिङ । धादिङ जिल्ला निर्वाचन क्षेत्र नं १ का प्रतिनिधिसभा सदस्य भूमी त्रिपाठीले आर्थिक वर्ष २०७७/७८को स्थानीय पूर्वाधार विकास साझेदारी कार्यक्रम अन्तर्गत छनोट भएका योजना र बिनियोजित बजेट सार्वजनिक गर्नु.....

बूढीगण्डकी क्षेत्रका प्रभावित घरगोठको मुआब्जा माग्दै धर्नामा

धादिङ : राष्ट्रिय गौरवको आयोजनाको रुपमा चर्चा पाएपनि निर्माण कसरी हुने भन्ने बिषयमा गर्ने भन्ने टुंगो लाग्न.....

धादिङका पाँच स्थानीय तहमा अस्पताल शिलान्यास

धादिङ, १५ मंसिर । धादिङको पाँच वटा स्थानीय तहमा एकैदिन ५ वटा अस्पतालको शिलान्यास भएको छ । गुणस्तरीय आधारभूत.....

गोलभेँडाको दोब्बर मूल्य पाउँदा गौँथलेका किसान दङ्ग

नारायण ढुङ्गाना / (रासस) धादिङ : गत वर्ष उत्पादन कम र भाउ न्यून हुँदा धादिङ जिल्लाको सिद्धलेख गाउँपालिका वडा.....

नाबालिका बलात्कारको अभियोगमा त्रिपुरासुन्दरीका प्रकाश पक्राउ

पोखरा - नाबालिका बलात्कार गरेको अभियोगमा एक युवक पक्राउ परेका छन् । पक्राउ पर्नेमा धादिङ त्रिपुरासुन्दरी.....

Categories