नागढुंगा सुरुङमार्ग निर्माण सुरु, १ वर्षमै सुरुङको प्वाल खनिने

271 पटक पढिएको

प्रकाशित मिति: २२ भाद्र २०७७, सोमबार २१:०९

सम्पादक: Dhading News

धादिङ- सिस्नेखोलादेखि काठमाडौंको थानकोट जोड्ने बुहप्रतिक्षित नागढुंगा सुरुङमार्ग निर्माण सुरु भएको छ ।

सडक विभाग, विकास सहायता कार्यान्वयन महाशाखाका प्रमुख अर्जुनजंग थापाका अनुसार काठमाडौँ र धादिङबाट एकैसाथ सुरुङको मुख बनाउने काम सुरु भएको छ। दुवैतिरको मुख निर्माण भइसकेपछि भित्र छिरेर दैनिक विस्फोट गराइने छ।

प्रमुख थापाका अनुसार निर्माण कार्यमा कुनै बाधा अवरोध नआए अबको एक वर्षभित्र दुवैतिरबाट वारपार गर्न मिल्ने गरी सुरुङको प्वाल खोलिने छ। निर्माणाधीन सुरुङ मार्गको लम्बाइ २।७ किलोमिटर र चौडाइ करिब १२ मिटर र उचाइ आठ मिटरको हुनेछ। सडक विभाग अन्तर्गतको सुरुङमार्ग आयोजनाका अनुसार गत वर्षको तिहारपछि काम हुनुपर्नेमा जग्गा अधिग्रहण, साइट क्लियर, मुआब्जा विवाद, कोरोना त्रास, विस्फोटक पदार्थ आपूर्तिका लागि नेपाली सेनाले अनुमति नदिँदा निर्माण कार्य अघि बढ्न सकेको थिएन।

प्रधानमन्त्री केपी शर्मा ओलीले २०७६ कात्तिक २४ गते शिलान्यास गरेको सो सुरुङ मार्ग साढे तीन वर्षभित्र निर्माण सम्पन्न गर्ने बताइएको छ। सुरुङ मार्ग निर्माणका लागि जापानको ‘हाजमा अन्डो कर्पोरेसन’ले नेपाल सरकारसँग १३ अर्ब ५० करोड लागतमा ठेक्का सम्झौता गरेको छ। सम्झौता अनुसार कम्पनीले काम सुरु गरेको ४२ महिनाभित्र काम सम्पन्न गरी नेपाल सरकारलाई हस्तान्तरण गर्नुपर्ने सर्त थियो।

सुरुङ मार्गको धादिङतर्फको अधिग्रहण भएका जग्गामा मुआब्जा विवाद भएको थियो। व्यक्तिका नाममा नभएका तर लामो समयदेखि भोगचलन हुँदै आएका, गुठी र लालपुर्जा नभएका जग्गाको समस्या विषयमा विवाद निस्किएको थियो। सुरुङ मार्ग निर्माण आयोजनाका अनुसार धादिङको धुनिबेसी नगरपालिकाभित्र कुल १ सय ९ रोपनी जग्गा अधिग्रहण गरिएको छ।

महाशाखा प्रमुख थापा अनुसार सतुङगलबाट सुरुङमार्गको प्रवेश मार्गसम्म पुग्न दुईवटा फ्लाई ओभर, सात वटा साना पुल र ११ वटा बक्स कल्भर्ट पनि निर्माण हुने छ। त्यसैगरी सिस्नेखोलातिर ४४ रोपनीमा सर्भिसिङ स्टेसन, चमेना गृह, फ्युल स्टेसन, स्थानीय उत्पादित सामग्री प्रदर्शनीस्थल लगायतका संरचना निर्माण हुनेछन्।
थाहाखबरबाट



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२२ भाद्र २०७७, सोमबार २१:०९ मा प्रकाशित

धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो । आम नागरिकलाई सूचना, समाचार, विचार, विश्लेषण र विविध विषयमा सुसूचित गर्ने ध्येयका साथ संचालनमा रहेको धादिङ न्यूज डट कम निस्पक्ष सूचना र संचारको संवाहक हो । हामी स्वतन्त्र छौं, हामी कुनै पनि राजनीतिक. सामाजिक तथा अन्य किसिमका पूर्वाग्रहबाट अलग छौं । तपाईंको सूचना र संचारको हकको लागि समाजका विकृति र विसंगतिहरू बिरुद्ध हामी निरन्तर कलम चलाइरहनेछौँ । हामीलाई सूचना जानकारी उपलब्ध गराएर हाम्रो यस अभियानमा तपाईंले पनि साथ् दिन सक्नुहुनेछ ।  धादिङ जिल्लाको सूचना, समाचार, विचार र मनोरञ्जन छिटो छरितो रूपमा विश्वभर पुर्याउनु हाम्रो मुख्य उद्देश्य रहेको छ । ‘धादिङ न्यूज’ यहाँहरू सबैको डिजिटल पत्रिका हो ।व्यवसायको लागि विज्ञापन लगानी हो,धादिङ न्यूज डट कम मा कुनै पनि विज्ञापन वा सन्देश संप्रेषण गर्न  चाहनुहुन्छ भने हामीलाई सम्पर्क गर्न सक्नुहुनेछ ।

 

 

समाचार

सबै

रुवीभ्यालीमा २५.४ मेगावाटको सुपर आँखुखोला जलविद्युत आयोजना बन्दै

लुकेको कर्णाली भनेर चर्चामा आउने गरेको धादिङको विकट उत्तरी भेगमा विकासका लहर प्रवेश गर्न थालेको छ । सडक सञ्जालले नछोएको दुरदराजका बस्तीलाई लक्षित गरेर सडक विस्तार भईरहेको छ भने रुवीभ्यालीको आँखुखोलाबाट.....

मलेखु धादिङबेसी सडक खण्डमा ट्याक्सी पल्टिंदा एक जनाको मृत्यु

धादिङ,९ असोज । धादिङको मलेखु धादिङबेसी सडक खण्ड (कालुपाण्डे राजमार्ग) मा विहीवार राती भएको दुर्घटनामा परि एक.....

सानाकिसान सहकारी गोगनपानीमा शेयर सदस्यले लगाए ताला

थाक्रे, ७ असोज संस्थामा अनियमितता बढेको भन्दै निष्पक्ष छानविनको माग गरि साना किसान कृषि सहकारी संस्था.....

सामाजिक सेवा दिवशको अवशरमा खुला वक्तृत्वकला प्रतियोगिता सम्पन्न

  महादेववेंशी, ६ असोज सामाजिक क्षेत्रमा राष्ट्रिय गौरब आजको आवश्यकता, सम्वृद्धि र सुखको लागि सामाजिक.....

धादिङका तीन सहित नेपाल प्रहरीका ४८८ इन्स्पेक्टरको सरुवा

काठमाण्डौं । नेपाल प्रहरीका ४ सय ८८ जना प्रहरी निरीक्षक (इन्सपेक्टर)को सरुवा भएको छ । प्रहरी प्रधान कार्यालयले.....

Categories