गोरखा – बहुप्रतिक्षित बुढीगण्डकी जलाशययुक्त जलविद्युत आयोजना क्षेत्रको उर्जामन्त्री राधा ज्ञवाली नेतृत्वको एक टोलीले शुक्रवार स्थलगत अवलोकन भ्रमण गर्नुभएको छ । गोरखा र धादिङ्ग जिल्लाको सीमानामा पर्ने प्रस्तावित १२ सय मेगावाट क्षमताको बुढीगण्डकी आयोजनाको उर्जामन्त्री राधा ज्ञवालीको नेतृत्वमा उर्जा सचिव ,बुढीगण्डकी विकास समितिका पदाधिकारी ,गोरखा र धादिङ्गका सभाषदहरु समेत सम्मिलित टोलीले स्थलागत अवलोकन गरेको हो ।अवलोकन पछि गोरखाको आश्रघाटमा आयोजित अन्तरक्रियालाई सभासद एवम , पुर्व मन्त्री चिनकाजी श्रेष्ठ, राजेन्द्र पाण्डे, कमला पन्त, दिलमान पाख्रिन,परशुराम तामाङ,पुर्व जलश्रोत मन्त्री ठाकुर शर्माका साथै सभासदहरु धनवहादुर घले,गुरुप्रसाद वुर्लाकोछी, आशा कोईराला, कृष्णप्रसाद रेग्मी लगायतले कार्यक्रममा वोल्नु भएको थियो । बुढीगण्डकी राष्ट्रिय गौरवको आयोजना भएकाले प्रभावित क्षेत्रका वासिन्दालाई उचित व्यवस्थापन गरेर काम अघि बढाउनु पर्नेमा सबैले जोड दिएका थिए ।

 स्थानीय लाई सम्वोधन गर्दै मन्त्री ज्ञवालीले भ्रमणका उद्देश्य बारे जानकारी दिनुभयो । मन्त्री नेतृत्वको टोलीले विभिन्न परीक्षण लागि गोरखा घ्याल्चोकमा निर्माण गरिएको टनेल ,प्रस्तावित बांध निर्माण क्षेत्र लगायतका अवलोकन गरेको छ । टोलीले गोरखा घ्याल्चोक देखि आरुघाट सम्मको अवलोकन भ्रमण गर्नुका साथै स्थानीय संग अन्तरक्रिया समेत गरेको छ । अध्ययन सकिने वित्तिकै केही महिनामा नै काम शुरु हुने विकास समितिका अध्यक्ष डा.लक्ष्मी प्रसाद देवकोटाको भनाई छ । टोलीमा गोरखाका सभाषदहरु चिनकाजी श्रेष्ठ ,कमला पन्त ,कृष्ण धिताल ,धादिङ्गका राजेन्द्र पाण्डे ,गुरु बुर्लाकोटी ,धन बहादुर घले लगायतको सहभागीता रहेको छ । ट्रयाक्टवेल इन्जीनियरिङले आयोजना निर्माणँका लागि ड्यामसाइटपावरहाउस ,सर्ट टनेल पावरहाउस र लङ्ग टनेल पावरहाउस ,नन टनेल गरी ३ प्रकारको संरचनागत तथा ६ सय ३० र ९ सय ४५ मेगावाट क्षमतामा निर्माणँ गर्न सकिने विकल्प सहितको प्रतिवेदन बुझाएका थियो ।