धादिङकी एक महिलाले एकै पटक तीन शिशु जन्माइन

6632 पटक पढिएको

प्रकाशित मिति: २० जेष्ठ २०७७, मंगलवार ०७:१६

सम्पादक: धादिङ न्यूज

काठमाडौंको थापाथलीस्थित परोपकार प्रसूति तथा स्त्रीरोग अस्पतालमा धादिङकी एक महिलाले तिम्ल्याहा शिशु जन्माएकी छन् ।

अस्पतालका अनुसार धादिङकी २६ वर्षीया सविता तामाङले ३ छोरी जन्माएकी हुन् ।

पहिलोपटक सुत्केरी भएकी तामाङले गर्भ रहेको ८ महिना ६ दिन अर्थात् २४६ का दिन सिजेरियन विधिबाट तीन शिशु जन्माएकी हुन्। तीनै बच्चा स्वस्थ छन्।

चिकित्सकका अनुसार उनले गत वैशाख २० गते राति १०.५४ मिनेटमा पहिलो, १०.५५ मा दोस्रो र १०.५६ मा तेस्रो शिशु जन्माएकी हुन्।

जन्मिएका बेला पहिलो शिशुको तौल १००० ग्राम, दोस्रोको १२५० ग्राम र तेस्रो शिशुको तौल १७०० ग्राम थियो।

पहिलो र दोस्रोको तुलनामा तौल बढी भएको र स्वास्थ्यमा कुनै समस्या नभएपछि तेस्रो शिशुलाई सुरुदेखि नै सुपरीवेक्षण वार्डमा राखिएको थियो। उसलाई ७ दिनपछि आमासँगै नियमित स्तनपान गराइएको थियो भने पहिलो र दोस्रो शिशुलाई २८औं दिनमा आमाको साथमा राखियो।

तौल कम भएका र सास फेर्न अप्ठेरो भएपछि भेन्टिलेटरमा राखेर उपचार गरिएको शिशुका फोक्सोलगायत अन्य अंग विकास भयो। स्वास्थ्य सामान्य भएपछि २८औं दिन सोमबार डिस्चार्ज गरिएको प्रसूति गृहले जानकारी दिएको छ। अहिले तीनै शिशु आमाको दुध राम्रोसँग चुस्न सक्ने भएका छन्। – नेपाल खबरबाट



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२० जेष्ठ २०७७, मंगलवार ०७:१६ मा प्रकाशित