आजको राशिफल बिस २०८३ साउन ६ गते बुधबार ईस २०२६ जुलाई २२ नेपाल सम्बत ११४६ दिल्लाथ्व अष्टमी, रौद्र नाम संवत्सर सूर्य दक्षिणायन, वर्षा ऋतु, असार शुक्ल अष्टमी, चन्द्रमा तुला राशिमा, स्वाती नक्षत्र, साध्य योग, विष्टि करण । आज नेपालमा सुर्योदय बिहान ५ बजेर २१ मिनेटमा र सूर्यास्त साँझ ७ बजे हुनेछ । आज जन्म लिने बच्चा तुला राशीको हुनेछ ।

मेष राशि(चु, चे, चो, ला, लि, लु, ले, लो, अ) –

आज कुनै पनि नयाँ वा ठूलो काम सुरु गर्दा हतार नगर्नुहोला । सोचविचार गरेर र शान्त दिमागले निर्णय लिएमा सोचेजस्तै सफलता मिल्नेछ । रोकिएका पुराना कामहरूलाई पहिले टुंग्याउनु बुद्धिमानी हुनेछ ।

वृष राशि (इ, उ, ए, ओ, बा, बि, बु, बे, बो) –

लामो समयदेखि अड्किएका कामहरू पुनः सुरु हुने र पूरा हुने समय छ । परिवारका सदस्यहरूको पूर्ण सहयोग मिल्नेछ । आर्थिक स्थिति राम्रो रहे पनि अनावश्यकरूपमा हुने फजुल खर्चबाट भने जोगिनुहोला ।

मिथुन राशि (का, कि, कु, घ, ङ, छ, के, को, ह) –

आज नयाँ अवसरहरूले ढोका ढक्ढक्याउन सक्छन् । साथीभाइ र सहकर्मीको सहयोगले गाह्रा र जटिल मानिएका कामहरू पनि सजिलै सुल्झिनेछन् । वैदेशिक क्षेत्र वा टाढाको काममा प्रगति हुनेछ ।

कर्कट राशि  (हि, हु, हे, हो, डा, डि, डु, डे, डो) –

काम र परिवारबीच सन्तुलन मिलाउन अलि मिहिनेत गर्नुपर्नेछ । हतारमा ठूलो आर्थिक लगानी वा लेनदेन नगर्नुहोला । साँझपख भने पारिवारिक सुख र शान्तिको वातावरण बन्नेछ ।

सिंह राशि(मा, मि, मु, मे, मो, टा, टि, टु, टे) –

बोली र विचारको प्रभाव बढ्ने दिन छ । सार्वजनिक वा सामाजिक क्षेत्रमा आफ्नो धारणा स्पष्टसँग राख्दा मान–सम्मान पाइनेछ । रोकिएका कामहरू सुल्झिनुका साथै व्यापारमा नयाँ सहकार्यको कुरा अगाडि बढ्नेछ ।

कन्या राशि(टो, प, पि, पु, ष, ण, ठ, पे, पो) –

फजुल खर्चमा नियन्त्रण गर्नुहोला । कार्यक्षेत्र र घरमा सरसफाइ तथा व्यवस्थापनमा ध्यान दिँदा मनमा सकारात्मक ऊर्जा आउनेछ । निरन्तरको मिहिनेतले साँझसम्ममा सोचेजस्तै राम्रो नतिजा दिनेछ ।

तुला राशि(र, रि, रु, रे, रो, ता, ति, तु, ते) –

साझेदारी र सहकार्यका कामहरूमा विशेष फाइदा हुनेछ । नयाँ र महत्त्वपूर्ण निर्णय लिनुअघि घरका अनुभवी व्यक्तिहरूसँग सल्लाह लिनुहोला । प्रेम र पारिवारिक सम्बन्ध अझ कसिलो र सुमधुर बन्नेछ ।

वृश्चिक राशि(तो, ना, नि, नु, ने, नो, या, यि, यु) –

मिहिनेतको उचित फल मिल्ने समय छ । धैर्य र संयम अपनाएर काम गरेमा विरोधीहरू कमजोर हुनेछन् र रोकिएका कामहरूले तीव्र गति लिनेछन् । स्वास्थ्य सामान्यतया अनुकूल नै रहनेछ ।

धनु राशि (ये, यो, भ, भि, भु, ध, फा, ढ, भे) –

अध्ययन, अध्यापन तथा नयाँ कुरा सिक्नका लागि आजको दिन निकै राम्रो छ । धार्मिक, सांस्कृतिक तथा सामाजिक कार्यमा मन जानेछ । आफन्त वा भाइबहिनीको तर्फबाट शुभ समाचार सुन्न पाइनेछ ।

मकर राशि(भो, ज, जि, खि, खु, खे, खो, गा, गि) –

पेसा तथा व्यवसायमा नयाँ अवसर प्राप्त हुनसक्छन् । आर्थिक दृष्टिकोणले दिन लाभदायक छ, तर घरायसी कुरामा हतार नगरी बोलीमा नम्रता कायम राख्नुहोला ।

कुम्भ राशि (गु, गे, गो, सा, सि, सु, से, सो, द) –

नयाँ र रचनात्मक काममा सफलता मिल्नेछ । आत्मबल र पराक्रम बढ्नाले अप्ठ्यारा कामहरू सहजै पूरा हुनेछन् । छोटो दूरीको यात्रा फलदायी हुनसक्छ र नयाँ योजनाहरू बन्नेछन् ।

मीन राशि (दि, दु, थ, झ, ञ, दे, दो, च, चि) –

स्वास्थ्यमा क्रमशः सुधार आउनेछ र नयाँ ऊर्जा महसुस हुनेछ । आफन्त तथा पुराना साथीभाइसँगको भेटघाटले मन खुसी बनाउनेछ । वित्तीय क्षेत्रमा प्रगति हुनुका साथै रोकिएको धन फिर्ता आउने सम्भावना छ ।