काठमाडौं: उपप्रधान तथा गृहमन्त्री बामदेब गौतमले भूकम्पबाट देशभर भएको क्षति अनुमान गरेभन्दा धेरै भएको बताएका छन्। शुक्रबार दिउँसो बसेको व्यवस्थापिका संसद्को बैठकलार्इ सम्बोधन गर्दै गृहमन्त्री गौतमले भूकम्पको क्षति भयाबह भएको भन्दै क्षति अझै बढ्न सक्ने उल्लेख गरे।

क्षतिको विवरण गृहमन्त्रालयको तर्फबाट संसद् बैठकमा पेश गर्दै उनले काठमाडौंको जमिन नै सार्ने गरी गएको भूकम्पबाट सरकारले सोचेभन्दा बढी क्षति भएको बताए।

‘जमिन नै परिवर्तन गर्ने गरी आएको भूकम्पको क्षति सरकारले सोचे भन्दा धेरै पाइयो’, उनले भने, अझै पनि उद्धार कार्य जारी छ । मानवीय तथा भौतिक क्षतिको विवरण अझै बढ्ने अवस्था छ।’