बैरेनी–भुकम्पबाट प्रभावित अति विपन्न २ सय ६ परिवारका लागि पृथ्वीनारायण शाह स्मृति प्रतिष्ठान नेपाल र भारत प्रगति मिशनले संयुक्त रुपमा राहत बितरण गरेको छ ।
बैरेनी, किराञ्चोक र कल्लेरी गाविसका अति विपन्न भुकम्प प्रभावितहरुको लागि आईतबार दाल ,चामल,चिनी,कम्वल,सिरक र त्रिपाल सहयोग गरिएको हो । राहत बितरण कार्यक्रममा पृथ्वीनारायण शाह स्मृत्ति प्रतिष्ठान नेपालका अध्यक्ष डाक्टर जगत वहादुर पाठक , भारत प्रगति मिशनका अध्यक्ष हरिस कुमारको उपस्थिती रहेको थियो । महाभुकम्पले प्रभावित भएका सबैलाई सहयोग गर्ने इच्छा भएपनि आर्थिक श्रोतको अभावले अहिले अति विपन्न २ सय ६ परिवारका लागि केही सहयोग गर्न सकिएको मिशनका अध्यक्ष हरिसकुमारले वताउनु भयो ।
राहत बितरणका क्रममा बृद्ध बृद्धा २० जनालाई सिरकका साथ अन्य सामान दिईएको थियो भने बांकी अरुलाई खाद्यान्न तथा त्रिपाल र कम्वल प्रदान गरिएको राहत बितरण टोलीका स्थानीय संयोजक ज्ञानवहादुर भण्डारीले जानकारी दिनु भयो ।

 साथमा फोटो फिचर