चितवन । नारायणगढ-मुग्लिन सडक खण्डको नाम्सी पुलको फलामे रेलिङ चोरी भएको छ ।

सडक डिभिजन भरतपुरले आइतबार राति अज्ञात समुहले नाम्सी पुलको फलामे रेलिङ चोरी गरेको जानकारी दिएको छ ।

रेलिङ चोरी गरेको जानकारी पछि सडक डिभिजनको ईन्जिनियरको टोलीले अनुगमन गरेको जानकारी दिदै सडक डिभिजनले जिल्ला प्रहरी कार्यालय र  जिल्ला प्रशासन कार्यालय चितवनलाई पनि पत्राचार गरेर जानकारी गराएको बताएको छ । सो स्थानमा संभावित दुर्घटना नहोस भन्ने उदेश्यले तत्कालीन अवस्थामा दुर्घटना न्युनिकरणको लागि रातको समयमा पनि देखिन सक्ने गरि फलामको पाईपहरू वल्डिङ गरि डेन्जर जोन एरिया कभर गरिएको सडक डिभिजनले जानकारी दिएको छ ।