यस वर्षको एसईई चैत १९ देखि २९ गतेसम्म सञ्चालन हुने
274 पटक पढिएको
काठमाडौँ । यस वर्षको माध्यमिक शिक्षा परीक्षा (एसईई) चैत १९ देखि २९ गतेसम्म सञ्चालन हुने भएको छ।
राष्ट्रिय परीक्षा बोर्ड, सानोठिमी भक्तपुरले परीक्षा तालिका सार्वजनिक गर्दै उक्त जानकारी दिएको हो।
यसअघि चैतको पहिलो साता सञ्चालन हुँदै आएको एसईई परीक्षा २१ फागुनमा हुने प्रतिनिधिसभा निर्वाचनका कारण केही दिनपछि सारिएको हो।
बोर्डका अनुसार यस पटक एसईई परीक्षाका लागि कुल ५ लाख १७ हजार विद्यार्थीले परीक्षा फारम भरेका छन्।
निर्वाचनका लागि आवश्यक मतपत्र र एसईई परीक्षाका प्रश्नपत्र दुवै जनक शिक्षा सामग्री केन्द्रबाट छपाइ हुने भएकाले तालिकामा परिमार्जन गर्नुपरेको राष्ट्रिय परीक्षा बोर्डले स्पष्ट पारेको छ।
