काठमाडौं, २५ फागुन । प्रतिनिधिसभा सदस्य निर्वाचनअन्तर्गत प्रत्यक्ष प्रणालीतर्फ हालसम्म १६१ निर्वाचन क्षेत्रको अन्तिम नतिजा सार्वजनिक भएको छ।

निर्वाचन आयोगले आज बिहान ६ बजेसम्म उपलब्ध गराएको विवरणअनुसार राष्ट्रिय स्वतन्त्र पार्टी (रास्वपा) ले सबैभन्दा धेरै १२४ निर्वाचन क्षेत्रमा विजय हासिल गर्दै शीर्षस्थान कायम गरेको छ। साथै जारी मतगणनामा रास्वपा अर्को १ क्षेत्रमा अग्रस्थानमा रहेको छ।

त्यसैगरी नेपाली काँग्रेस ले १७ निर्वाचन क्षेत्रमा जीत हासिल गरेको छ भने १ स्थानमा अग्रता बनाएको छ।

नेपाल कम्युनिष्ट पार्टी (एमाले) ले ८ निर्वाचन क्षेत्रमा विजय हासिल गरेको छ भने १ स्थानमा अग्रस्थानमा रहेको छ।

अन्यतर्फ नेपाली कम्युनिष्ट पार्टी ले ७ स्थान, श्रम संस्कृति पार्टी ले ३ स्थान जितेका छन्। त्यस्तै राष्ट्रिय प्रजातन्त्र पार्टी र स्वतन्त्र उम्मेदवार ले १–१ स्थानमा विजय हासिल गरेका छन्।

निर्वाचन आयोगका अनुसार बाँकी निर्वाचन क्षेत्रहरूको मतगणना अझै जारी रहेको छ।