काठमाडौं ।निर्वाचन आयोगले समानुपातिक निर्वाचन प्रणालीतर्फको अन्तिम परिणाम सार्वजनिक गर्दै राजनीतिक दलहरूले प्राप्त गरेको सिट संख्या बाँडफाँट गरेको छ। आयोगका अनुसार यस पटकको निर्वाचनमा कुल तीन प्रतिशतको थ्रेसहोल्ड कटाउन सफल ६ वटा दलले मात्र समानुपातिकतर्फ सिट प्राप्त गरेका छन्।

सिट बाँडफाँटको अन्तिम विवरण अनुसार राष्ट्रिय स्वतन्त्र पार्टी (रास्वपा) ले सबैभन्दा धेरै ५७ सिट प्राप्त गरेको छ भने नेपाली कांग्रेसले २० सिट हात पारेको छ। त्यसैगरी नेकपा एमालेले १६ सिट, नेकपाले ९ सिट तथा श्रम संस्कृति र राप्रपाले समान ४-४ सिट प्राप्त गरेका छन्।

आयोगले सिट संख्या निर्धारण गरेसँगै सम्बन्धित दलहरूलाई आफ्नो बन्दसूचीमा रहेका उम्मेदवारहरूमध्येबाट निर्वाचित हुनेहरूको नाम पेश गर्न ३ दिनको समयसीमा दिएको छ। दलहरूले समावेशी समूह र क्लस्टर मिलाएर नाम बुझाउनुपर्ने प्रावधान रहेको छ। यो प्रक्रिया सकिएपछि आयोगले निर्वाचनको पूर्ण प्रतिवेदन राष्ट्रपतिसमक्ष बुझाउने तयारी गरेको छ।