धादिङ जिल्लालाई कार्यक्षेत्र वनाएर काम गर्दै आईरहेका कान्तिपुर दैनिकका हरिहर सिंह राठौर नेपाल पत्रकार महासंघको केन्द्रिय सदस्यमा निर्वाचित भएका छन ।
भदौ ४ र ५ गते काठमाण्डौमा सम्पन्न नेपाल पत्रकार महासंघको २५ औं महाधिबेशनमा प्रेस सेन्टर र युनियनको संयुक्त प्यानलबाट खुल्ला तर्फको केन्द्रिय सदस्यमा राठौर विजयी भएका हुन । नेपाल पत्रकार महासंघ दैलेख र जाजरकोट शाखाका संस्थापक अध्यक्ष समेत रहेका राठौर सामुदायिक रेडियो प्रसारक संघ अकोरावका केन्द्रिय उपाध्यक्ष समेत भईसकेका छन ।
निरन्तर पत्रकारितामा सक्रिय रहँदै आएका राठौरको पहलमा देशका विभिन्न जिल्लामा सामुदायिक रेडियो स्थापना भएका छन । कान्तिपुर दैनिकमा २५ बर्ष देखि कार्यरत उनि दुई बर्ष अघि देखि धादिङमा कार्यरत छन । राठौरको विजय पछि पत्रकार तथा अन्य क्षेत्रका व्यक्तित्वहरुले उनलाई भेटेर तथा सामाजिक सञ्जाल मार्फत शुभकामना दिईरहेका छन ।राठौर जाजरकोट जिल्लाका स्थायी वासिन्दा हुन ।   लोपोन्मुख वन्य जन्तु संरक्षणका निम्ति खोजी पत्रकारिता र अनुसन्धानमा पनि राठौर सक्रिय रहेका छन । बिशेष गरी हाव्रे अर्थात रेडपाण्डाको खोजी र संरक्षणका  बिषयमा उनको बिशेष रुची देखिन्छ ।