काठमाडौँ — समयमा नै खरिद प्रकृया नहुँदा एन्टी रेबिज भ्याक्सिन(एआरभी) खोपको अभाव हुन थालेको छ ।कुकुर लगायत जनवारले टोकेमा त्यस विरुद्ध यो खोप दिइन्छ ।

देशभर दैनिक एक हजार भाइल भन्दा बढी खपत हुने सो खोप अहिले स्वास्थ्य मन्त्रालयको स्टकमा पाँच हजार भाइल मात्र रहेको स्वास्थ्यका अधिकारीले बताएका छन् । स्वास्थ्य मन्त्रालय इपिडिमियोलोजी तथा रोग नियन्त्रण महाशाखाका प्रमुख डा. केदार सेन्चुरीका अनुसार स्टकले अबको पाँच दिन मात्र धान्ने बताए । तत्काल सिधा खरिद गर्न नसके केही दिनबाट देशभर समस्या हुने उनले बताए । ‘हामीसँग भएको स्टक थोरै छ, केही दिनलाई मात्र पुग्छ ।’ उनले इकान्तीपुरसँग भने ‘सिधै खरिद गर्न सकिएन भने समस्या आउँछ ।’ तत्कालका लागि समाधान गर्न मन्त्रालयमा प्रस्ताव पठाएको उनको भनाइ छ ।