धादिङमा बर्षेनी रासायनिक मलको अभाव

834 पटक पढिएको

प्रकाशित मिति: २० जेष्ठ २०७६, सोमबार ०६:४६

सम्पादक: धादिङ न्यूज

धादिङ,  – मुख्य सिजनमा मात्रै होइन अरु समयमा पनि धादिङमा बर्षेनी रासायनिक मलको अभाव हुने गरेको छ । महिनौ देखि रासायनिक मल खोज्दै हिडेंका किसानहरु मल नपाएकोमा दुखित मात्रै भएका छैनन आक्रोशित पनि बन्न पुगेका छन । वजारमा मल किन्न नपाएको विरोधमा आईतबार जिल्ला सदरमुकाम धादिङबेसी आसपासका किसानले जिल्ला सदरमुकाममा प्रदर्शन गर्नुका साथै जिल्ला प्रशासन कार्यालय घेराउ समेत गरे। मल माग गर्दैै खाली बोरा बोकेर प्रदर्शनीमा उत्रिएका किसानले  कृषि मन्त्रीको राजिनामा माग्दै नारावाजी पनि गर्न भ्याए ।

महिनौं देखि मलको खोजीमा रहेका किसानले आईतबार जिल्ला प्रशासन कार्यालय धादिङ घेराउ गरि सरकारको ध्यानाकर्षण गराएका हुन । सदरमुकाममा मल बिक्री बितरण गर्दै आईरहेको नीलकण्ठ सहकारी संस्थामा मल लिनका लागि आइतबार बिहानैदेखि जम्मा भएका किसानहरुले मल नपाएपछि आक्रोश पोख्दै जिल्ला प्रशासन कार्यालय घेराउ गरेका हुन । सहकारीमा मल नभएको जानकारी पाएपछि किसानले सजिलो सँग मल किन्न पाउनु पर्ने माग राख्दै उनिहरुले प्रशासनको मुल ढोकामा पुगेर प्रदर्शनी गर्दै नारावाजी गरेका थिए ।

बजारमा फाट्टफुट्ट रुपमा मल आउने गरेपनि किसानहरुलाइ आवश्यक पर्ने जति मल नआईदिंदा किसानहरु मर्कामा परेका हुन । धादिङवेशी आसपासका किसानहरुलाइ रासायनिक मल वितरण गर्दे आएको नीलकण्ठ सहकारी सस्थाले यो बर्ष मल ल्याउन नसकेको जनाएको छ । विगतमा जिल्ला कृषि विकास कार्यालयले जिल्लामा मल अभाव भएपछि सरोकारवाला निकाय सँग समन्य गरेर मल उपलब्ध गराउन पहल गर्ने गरेकोमा अहिले त्यो कार्यालय हटेर कृषि ज्ञान केन्द्र भएपछि समन्वयको समेत अभाव भएको किसानहरुको गुनासो छ ।

यतिबेला खेतमा लगाइएको चैतेधान र मकै तथा वैशाख पहिलो सातादेखि पाखो बारीमा छरेको मकैमा रासायनिक मल हालेर गोड्ने सिजन हो तर किसानले चाहेको बेलामा सहकारीले कहिल्यै पनि सहज तरिकाले मल उपलब्ध गराउन सक्दैन। किसानको सहजताका लागि सरकारले गाउँगाउँका कृषि सहकारीबाट मल बिक्रीवितरण गर्ने निति पनि बनाएको छ तर किसानलाई आवश्यकपर्ने बेलामा गाउँका सहकारीले समेत मल ल्याउन सक्दैन।कृषि ज्ञान केन्द्र धादिङको तथ्यांकअनुसार धादिङ जिल्लाभरका लागि १ वर्षमा १२ हजार मेट्रिक टन मल आवश्यक पर्छ। तर कृषि सामग्री कम्पनी लिमिटेडले विभिन्न सहकारीमार्फत मुस्किलले ४ हजार मेट्रिक टन मल मात्रै उपलब्ध गराउँदै आएको छ। बाँकी आवश्यक मल बजारका व्यवसायीले चोर बाटोबाट ल्याउँदै महँगोमा किसानलाई बिक्री गर्ने गरेको गुनासो किसानबाटै आउने गरेको छ।

बजारमा मलको अभाव भएपछि लगाएको खेतबारीमा लगाएको खाद्यन्न तथा तरकारी बालीमा मल हाल्न नपाएको नीलकण्ठ नगरपालिका वडा नं ७ का किसान कृष्ण पोखरेल वताउँछन । खेतमा लगाइएको धान र बारीमा लगाईएको मकैलाई मल हाल्ने बेला भईसकेको छ, तर वजारमा महिनौ दिन देखि मल नपाईएको पोखरेलले वताए । त्यसो त यो बेला धादिङमा बर्षेनी मलको हाहाकार हुने गर्दछ ।

धादिङका किसानले आईतबार जिल्ला प्रशासन कार्यालय घेराउ गर्दै मलको माग गरेपछि धादिङका प्रमुख जिल्ला अधिकारी भागीरथ पाण्डेयले किसानले भोग्नु परेको समस्याको समाधानका लागि साल्ट्र ट्रेडिङ कर्पोरेशनलाई तत्काल मल पठाइदिन अनुरोध गरिएको जनाएका छन् ।

जिल्ला सदरमुकाममा मात्रै होइन अन्य स्थानमा पनि प्रयाप्त मात्रामा रासायनिक मलको अभाव भएको छ । रासायनिक मलको आपूर्ती र बिक्री वितरण गर्दै आएको कृषि सामग्री कम्पनी र साल्ट ट्रेडिङ कर्पोरेशन लिमिटेडले किसानको माग अनुसारको मल पठाउन नसकेको बिक्रेताहरु बताउँछन । विशेषत धादिङका धान,मकै, केरा र तरकारी खेती गर्ने किसानहरुले युरीया मलको प्रयोग गर्ने गर्दछन्। किसानले हरेक वर्ष झेल्दै आएको मल अभावको समस्या यो वर्ष पनि झेल्नु परेको हो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२० जेष्ठ २०७६, सोमबार ०६:४६ मा प्रकाशित

धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो । आम नागरिकलाई सूचना, समाचार, विचार, विश्लेषण र विविध विषयमा सुसूचित गर्ने ध्येयका साथ संचालनमा रहेको धादिङ न्यूज डट कम निस्पक्ष सूचना र संचारको संवाहक हो । हामी स्वतन्त्र छौं, हामी कुनै पनि राजनीतिक. सामाजिक तथा अन्य किसिमका पूर्वाग्रहबाट अलग छौं । तपाईंको सूचना र संचारको हकको लागि समाजका विकृति र विसंगतिहरू बिरुद्ध हामी निरन्तर कलम चलाइरहनेछौँ । हामीलाई सूचना जानकारी उपलब्ध गराएर हाम्रो यस अभियानमा तपाईंले पनि साथ् दिन सक्नुहुनेछ ।  धादिङ जिल्लाको सूचना, समाचार, विचार र मनोरञ्जन छिटो छरितो रूपमा विश्वभर पुर्याउनु हाम्रो मुख्य उद्देश्य रहेको छ । ‘धादिङ न्यूज’ यहाँहरू सबैको डिजिटल पत्रिका हो ।व्यवसायको लागि विज्ञापन लगानी हो,धादिङ न्यूज डट कम मा कुनै पनि विज्ञापन वा सन्देश संप्रेषण गर्न  चाहनुहुन्छ भने हामीलाई सम्पर्क गर्न सक्नुहुनेछ ।

 

 

समाचार

सबै

ईट्टा उद्योगमा काम गर्ने कामदारका बालबालिकालाई शैक्षिक सामाग्री वितरण

धुनिबेसी- ईट्टा उद्योगमा काम गर्ने कामदारहरुका बालबालिकाहरुको पढाईलाई निरन्तरता दिनको लागि शैक्षिक सामाग्रीहरु बितरण गरिएको छ । धुनिबेसी नगरपालिकामा रहेको जाल्पादेवी ईट्टा उद्योगमा काम गर्ने मजदुरका.....

पुल निर्माणको म्याद सकियो, तयार भएन पुल

धादिङ-त्रिशूली नदीमा सात स्थानमा मोटरेबल पुल निमार्णाधीन छन् । ती पुल निर्माण गर्ने म्याद गत पुस मन्सान्तमा.....

धादिङमा समाचारमूलक डिजिटल पत्रिका बढ्दै

धादिङ जिल्लालाई मुख्य कार्यक्षेत्र बनाएर धादिङबाट शुक्रवारदेखि  'जनचासो डट कम' नयाँ अनलाइनको अनौपचारिक शुरुवात.....

‘लिगलिगे साइकल दौड’मा धादिङ गल्छीका मल्ल प्रथम

गोरखा — ‘लिगलिगे साइकल दौड’को उपाधि एपिएफमा कार्यरत धादिङको गल्छी गाउँपालिका वडा नम्बर १ घर भएका लक्ष्मण.....

हाईवे र सरस्वती बचत तथा ऋण सहकारी संस्था बिच एकीकरण

धादिङ,२ फागुन -   धादिङ जिल्लाको गल्छी र थाँक्रे गाउँपालिकामा रहेका समान प्रकृतिका दुईवटा बचत तथा ऋण सहकारी.....

Categories