चैनपुर खानेपानी आयोजनाको उद्घाटन, गाउँवासीमा छायो खुसीयाली

1899 पटक पढिएको

प्रकाशित मिति: २७ जेष्ठ २०७६, सोमबार २३:१७

सम्पादक: धादिङ न्यूज

  • धादिङ न्यूज समाचारदाता

चैनपुर- धादिङको ज्वालामुखी गाउँपालिकाको वडा नम्बर ७ मा पर्ने चैनपुर,धारापानी, डाँडाथोक, कोटथोक, खानेपानी तथा सरसफाई आयोजना मंगलबार उद्घाटन गरिएको छ ।


विश्वबैकको आर्थिक सहयोगमा खानेपानी तथा सरसफाई विकास कोष समिति (फण्डबोर्ड) नेपालले स्थानीय गैर सरकारी संस्था फोकस नेपाल मार्फत २०७० सालमा शुरु गरि २०७२ को भुकम्पले क्षती वनाएर पु्ननिर्माण गरिएको खानेपानी आयोजनाको मन्त्री मगरले मंगलबार उद्घाटन गर्नु भएको हो । खानेपानी उद्घाट्नका लागि गाउँ पुग्नु भएकी मन्त्री मगरलाई चैनपुरका वासिन्दाले पञ्चैवाजा वजाएर गाउँ घुमाएका थिए । मन्त्री मगरले धारा खोलेर घुटुघुटु पानी पिउँदै खानेपानी आयोजना उद्घाटन गर्नु भएको थियो ।

बिद्युत्तिय लिफ्टिङ प्रविधिबाट संचालन गरिएको आयोजनामा ४ वटा इन्टेक, १२८ घन मिटर क्षमता भएको ६ वटा ट््याङ्की ४ ठाउँमा पम्प, हाउस रहेको छ । यसै गरी २ ठाउँमा पानी वितरण केन्द्र, ७ वटा पम्प, ७ वटा प्यानल वोर्ड रहेको जस्बाट गाउँका १ सय ६१ घर परिवार लाभान्वित भएका छन । घर घरमा मिटर सहितको धारा जडान गरिएको छ । टुहुरे खोलाको मुहानबाट बस्तीको सबै भन्दा माथि रहेको अनकन्या मन्दिर सम्म पुग्दा भर्टिकल हाईट ३ सय २३ मिटर र लम्बाई १६ सय मिटर रहेको छ । टुहुरेखोला मुहानबाट १३ सय मिटरमा रहेको चिसापानी र खोपखोलाबाट ११ सय मिटर र कमेरे खोलाबाट ७ सय मिटरको उचाईमा तीनवटा इन्टेक बनाई पानी संकलन गर्ने गरिएको आयोजना उपभोक्ता समितिका अध्यक्ष चन्द्रप्रसाद छत्कुलीले बताउनु भयो।

उपभोक्ता समितिका सचिव टंक छत्कुलीका अनुसार आयोजना सम्पन्न गर्न कुल १ करोड ३२ लाख ४६ हजार २ सय १६ रुपैयाँ खर्च भएको छ । आयोजनाका लागि सम्पन्न गर्न फण्डबोर्डबाट ३६ लाख ६२ हजार, बिद्युत्त लाइन बिस्तारका लागि ३० लाख, जनश्रमदान २४ लाख, जिल्ला विकास समिति धादिङबाट चार लाख ६९ हजार आठ सय १६, चैनपुर गाविसबाट ७४ हजार, आरनढुंगा सामुदायिक बन उपभोक्ता समूहबाट २ लाख ८९ हजार, अंधेरी सामुदायिक बनबाट २ लाख ८१ हजार, उपभोक्ताबाट उठेको ७ लाख १७ हजार ६००, मर्मतकोषबाट संकलित ८० हजार र फोकस नेपालबाट ३४ हजार, महिला समूह, वडाको टु्क्रे योजना, स्थानीय महिला समूह, उपभोक्ताबाट सहयोग संकलन गरि श्रोत जुटाईएको हो ।

पानी उपभोग गरेवापत उपभोक्ताले महसुल तिर्नुपर्ने भएपछि सबै उपभोक्ता त्यो हैसियतमा नरहेको भन्दै बिद्युत्त महसुलमा छुट दिनका लागि स्थानीयले मन्त्री मगर संग आग्रह गरेका छन । गाउँमा खानेपानी आयोजना आउनु अघि हरेक दिन दैनिक २ घण्टा समय पानीको जोहो गर्न विताउनु पर्दा घर धन्दा र खेतीपाती गर्न समेत नभ्याउने गृहिणीहरु अहिले पर्याप्त समय निकालेर काममा व्यस्त हुन थालेको स्थानीय वोधमाया उपाध्याय बताउनुहुन्छ ।

उपभोक्ता समितिका अध्यक्ष चन्द्रप्रसाद छत्कुलीको अध्यक्षतामा भएको कार्यक्रममा धादिङ क्षेत्र नम्बर १ का संघीय सांसद खेमप्रसाद लोहनी, संविधान सभा सदस्य गुरुप्रसाद वुर्लाकोटी, विश्व बैकका कन्ट्री मेनेजर फेरिस हदाद , फण्डबोर्डका कार्यकारी निर्देशक लिलाप्रसाद ढकाल, फण्डबोर्डका पुर्व अध्यक्ष एवम धादिङको नीलकण्ठ नगरपालिकाका प्रमुख भिमप्रसाद ढुंगाना, नेकपा ३ नम्बर प्रदेश कमिटि सदस्य रामवहादुर भण्डारी,ज्वालामुखी गाउँपालिका वडा नम्बर ७ का अध्यक्ष तेजनाथ लोहनी लगायतले आयोजना सफल भएकोमा समुदाय र सहयोगी निकायलाई बधाई दिदैं यस्को निरन्तरताको लागि आग्रह गरेका थिए ।

कार्यक्रममा ज्वालामुखी गाउँपालिकाका अध्यक्ष विनोदराज तिमिल्सिना, उपाध्यक्ष जानुका सिम्खडा, प्रमुख जिल्ला अधिकारी भागिरथ पाण्डे,सामाजिक क्षेत्रका व्यक्तित्वहरु, स्थानीय बिद्यालयका प्रधानाध्यापक, शिक्षक लगायतको आतिथ्य रहेको थियो । कार्यक्रममा खानेपानीका लागि मुल दिएर सहयोग गर्ने स्थानीयहरुलाई मन्त्री मगरको हातबाट दोसल्ला ओढाई कदर पत्र दिएर सम्मान गरिएको थियो ।



धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२७ जेष्ठ २०७६, सोमबार २३:१७ मा प्रकाशित

धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो । आम नागरिकलाई सूचना, समाचार, विचार, विश्लेषण र विविध विषयमा सुसूचित गर्ने ध्येयका साथ संचालनमा रहेको धादिङ न्यूज डट कम निस्पक्ष सूचना र संचारको संवाहक हो । हामी स्वतन्त्र छौं, हामी कुनै पनि राजनीतिक. सामाजिक तथा अन्य किसिमका पूर्वाग्रहबाट अलग छौं । तपाईंको सूचना र संचारको हकको लागि समाजका विकृति र विसंगतिहरू बिरुद्ध हामी निरन्तर कलम चलाइरहनेछौँ । हामीलाई सूचना जानकारी उपलब्ध गराएर हाम्रो यस अभियानमा तपाईंले पनि साथ् दिन सक्नुहुनेछ ।  धादिङ जिल्लाको सूचना, समाचार, विचार र मनोरञ्जन छिटो छरितो रूपमा विश्वभर पुर्याउनु हाम्रो मुख्य उद्देश्य रहेको छ । ‘धादिङ न्यूज’ यहाँहरू सबैको डिजिटल पत्रिका हो ।व्यवसायको लागि विज्ञापन लगानी हो,धादिङ न्यूज डट कम मा कुनै पनि विज्ञापन वा सन्देश संप्रेषण गर्न  चाहनुहुन्छ भने हामीलाई सम्पर्क गर्न सक्नुहुनेछ ।

 

 

समाचार

सबै

ईट्टा उद्योगमा काम गर्ने कामदारका बालबालिकालाई शैक्षिक सामाग्री वितरण

धुनिबेसी- ईट्टा उद्योगमा काम गर्ने कामदारहरुका बालबालिकाहरुको पढाईलाई निरन्तरता दिनको लागि शैक्षिक सामाग्रीहरु बितरण गरिएको छ । धुनिबेसी नगरपालिकामा रहेको जाल्पादेवी ईट्टा उद्योगमा काम गर्ने मजदुरका.....

पुल निर्माणको म्याद सकियो, तयार भएन पुल

धादिङ-त्रिशूली नदीमा सात स्थानमा मोटरेबल पुल निमार्णाधीन छन् । ती पुल निर्माण गर्ने म्याद गत पुस मन्सान्तमा.....

धादिङमा समाचारमूलक डिजिटल पत्रिका बढ्दै

धादिङ जिल्लालाई मुख्य कार्यक्षेत्र बनाएर धादिङबाट शुक्रवारदेखि  'जनचासो डट कम' नयाँ अनलाइनको अनौपचारिक शुरुवात.....

‘लिगलिगे साइकल दौड’मा धादिङ गल्छीका मल्ल प्रथम

गोरखा — ‘लिगलिगे साइकल दौड’को उपाधि एपिएफमा कार्यरत धादिङको गल्छी गाउँपालिका वडा नम्बर १ घर भएका लक्ष्मण.....

हाईवे र सरस्वती बचत तथा ऋण सहकारी संस्था बिच एकीकरण

धादिङ,२ फागुन -   धादिङ जिल्लाको गल्छी र थाँक्रे गाउँपालिकामा रहेका समान प्रकृतिका दुईवटा बचत तथा ऋण सहकारी.....

Categories