धादिङ, २८ असार – पृथ्वीराजमार्ग अन्तर्गत धादिङको सिमाना नजिकै पर्ने चितवनको इच्छाकामना गाउपालिका–५ नाग्दी खोलाबाट मालवाहक ट्रक त्रिशूली नदीमा खसेको छ । उक्त दुर्घटनामा परेर वेपत्ता भएका ट्रकका सहचालक दाङ घोराहीका २५ वर्षीय अनिल गुरुङको शव शसस्त्र प्रहरी र नेपाल प्रहरीको सहयोगमा शनिवार विहान नदीबाट निकालिएकोछ ।

मध्य राति १ः ३० बजेको समयमा भैरहबाबाट दाना बोकेर काठमाडौं जाँदै गरेको ना ४ ख १७९६ नम्बरको ट्रक नाग्दीखोलावाट त्रिशूलीमा खसेको इलाका प्रहरी कार्यालय मुग्लिनका प्रहरी निरिक्षक नविनराजा वुढाथोकीले बताउनु भयो । ।

प्रहरीका अनुसार ट्रकका चालक ललितपुर बस्ने ४६ वर्षीय माधव थापा मगर घाइते भएका छन । उनको पुरानो मेडिकल कलेज भरतपुरमा उपचार भइरहेको छ । ट्रक पूरै पानीमा डुबेको छ नदीमा पानीको बहाव बढेर बाढी आईरहेको भए पनि  प्रहरीका जवान लक्ष्मण रानाभाटले सहचालकको शव नदीबाट बाहिर निकालेका थिए

२०७६, २८ असार शनिबार ०९:३४ मा प्रकाशित