तनहूँमा माटोको ढिस्कोले पुरिएर धादिङ कटुन्जेका धनबहादुरको मृत्यु

279 पटक पढिएको

प्रकाशित मिति: २५ फाल्गुन २०७७, मंगलवार २१:३६

सम्पादक: धादिङ न्यूज

तनहूँ – फागुन २५ । तनहूँमा माटोको ढिस्कोले पुरिएर धादिङ कटुन्जेका एक जनाको मृत्यु भएको छ । मृत्यु हुनेमा धादिङ नेत्रावती डबजङ गाउँपालिका वडा नंम्बर ५ का ५३ वर्षका धनबहादुर गुरुङ रहेका छन् ।

गुरुङ तनहूँको शुक्लागण्डकी नगरपालिका वडा नं। ८, किमलघाटमा बस्दै आएका थिए ।

किमलघाटस्थित सेतीनदी बगरमा काम गर्ने सिलसिलामा ढिस्कोले पुरिएर गुरुङको मृत्यु भएको इलाका प्रहरी कार्यालय तनहुँका प्रहरी निरीक्षक जगदिश रेग्मीले जानकारी दिनुभयो ।

वरिष्ठ प्रहरी उपरीक्षक मोहन प्रसाद पोखरेलका अनुसार आईतबार बिहान ११ बजे घटना भएको हो । घटना कसरी हुन गएको हो भन्ने बारेमा अनुसन्धान भईरहेको छ ।

  • सांकेतिक तस्बिर


धादिङ जिल्लाको पहिलो अनलाइन खबर पत्रिका धादिङ न्यूज डट कम बिक्रम सम्वत २०७० साल जेठ २ गते तदनुसार सन २०१३ मे १६ देखि सञ्चालनमा आएको हो ।

२५ फाल्गुन २०७७, मंगलवार २१:३६ मा प्रकाशित