नारायणगढ–मुग्लिन सडक खुल्यो
82 पटक पढिएको
काठमाडौं । पहिरोले अवरूद्ध नारायणगढ–मुग्लिन सडक मंगलबार मध्याह्नपछि खुलेको छ ।
मुग्लिन नजिक नान्सी पुलमा सोमबार साँझ आठ बजे पहिरो खसेपछि सो सडक ठप्प थियो ।
पहिरो सफा भएपछि दिउँसो १ बजेदेखि दुईतर्फी नै गाडी चल्न सुरू भएको डिभिजन सडक कार्यालय भरतपुरका प्रमुख रमेशप्रसाद पौडेलले बताउनुभयो ।
पुल साँघुरो भएको र हिजोदेखि नै रोकिएका गाडीका कारण लामो जाम भएको हुँदा पहिरो सफा भएपनि सहजै गाडी चल्न केही समय गाह्रो हुन सक्ने उहाँले बताउनुभयो ।
