काठमाडौं । दशैँतिहारका लागि यही असोज २२ बाट अग्रिम टिकट बुकिङ खुल्ला गरिने भएको छ ।

शुक्रबार भौतिक पूर्वाधार तथा यातायात मन्त्रालयमा भएको सर्वपक्षीय छलफलपश्चात २२ गतेदेखि अग्रिम टिकट बुकिङ खुल्ला गर्ने निर्णय गरिएको हो ।

यातायात व्यवस्था विभागका महानिर्देशक उद्धव प्रसाद रिजाले पुरानै भाडा कायम गरेर दशैँका लागि अग्रिम टिकट बुकिङ खुल्ला गर्ने निर्णय गरेको बताउनुभयो ।

व्यवसायीले गाडि भाडा नबढाए बुकिङ नखोल्ने अडान राख्दै आएका थिए । मन्त्रालयमा भएको छलफलमा व्यवसायीहरूले पुरानै भाडामा अग्रिम टिकट खुल्ला गर्न सहमत भएका हुन ।