जनसरोकारका सवालमा सांसद डिपि अर्यालले सार्वजनिक सुनुवाई गर्ने
134 पटक पढिएको
काठमाडौँ– राष्ट्रिय स्वतन्त्र पार्टीका उपसभापति एवं प्रतिनिधिसभा सदस्य धादिङ मैदीका डोलप्रसाद अर्यालले गृह जिल्ला धादिङमा पहिलोपटक सार्वजनिक सुनुवाइ गर्ने भएका छन् । सार्वजनिक सुनुवाइ पुस १३ गते दिउँसो साढे १२ बजे जिल्ला समन्वय समितिको हलमा हुने भएको हो ।
कार्यक्रममा जिल्लास्थित सबै सरकारी निकायको प्रतिनिधित्व रहने जानकारी दिईएको छ । सार्वजनिक सुनुवाईमा सेवाग्राहीले जिल्ला भित्रको विकास निर्माणदेखि स्वास्थ्य, शिक्षा, शान्ति सुरक्षालगायतका विषयमा आफ्ना चासो, गुनासा, प्रश्न र सुझावहरू एकै ठाउँबाट प्रत्यक्ष राख्न पाउनेछन् ।
साथै नागरिकले सोधेका प्रश्नहरूको सांसद अर्यालसँगै सरोकारवाला निकायका प्रतिनिधिहरूले जबाफ दिने कार्यक्रम रहेको वताईएको छ ।
सांसद अर्यालका स्वकीय सचिव केशव रानाले दिएको जानकारी अनुसार सो कार्यक्रममा कुनै पनि दलसँग सम्बन्धित झण्डा, चिह्न वा संकेत प्रयोग गरिने छैन ।