श्री एयरलाइन्स र बुद्ध एयरको विमान सुर्खेत विमानस्थलमा अवतरण
127 पटक पढिएको
काठमाडौं । काठमाडौंबाट धनगढीका लागि उडेको श्री एयरलाइन्स र बुद्ध एयरको विमान सुर्खेत विमानस्थलमा अवतरण गरेका छन् ।
आज बिहान काठमाडौंबाट धनगढीका लागि उडेका दुवै विमान मौसमको गडबडीका कारण सुर्खेत विमानस्थलमा अवतरण गरिएको त्रिभुवन अन्तराष्ट्रिय विमानस्थलका प्रवक्ता सुभास झाले बताउनुभयो ।
काठमाडौंबाट बिहान मौसम खुलेपछि ९ बजेर ३० मिनेटमा उडेको जहाज तराईमा क्षेत्रमा बाक्लो हुस्सुले गर्दा अवतरण गर्न नसकिएपछि सुर्खेतमा अवतरण गरेको श्री एयरलाइन्सका कर्पोरेट अनिल मानन्धरले बताउनुभयो ।
त्यस्तै, बुद्ध एयरको विमान ९ बजेर ४० मिनेटमा काठमाडौंबाट धनगढीका लागि उडेपछि मौसमकै कारण अवतरण गर्न नसकिने भएपछि सुर्खेतमा अवतरण गरिएको त्रिभुवन अन्तराष्ट्रिय विमानस्थलका प्रवक्ता झाले बताउनुभयो ।
