काठमाडौं । ललितपुर महानगरपालिका–१६ नागबहालस्थित ग्रीनतारा हेरिटेज अपार्टमेन्टमा एक जर्मन महिला मृत भेटिएकी छिन् । ५४–५५ वर्षकी एडेलहैड सेनेकेनबर्गर कोठामा लडिरहेको अवस्थामा मृत भेटिएको ललितपुर प्रहरी प्रवक्ता नवराज कार्कीले जानकारी दिनुभयो ।

प्रहरीका अनुसार उनी त्यहाँ एक्लै बस्दै आएकी थिइन् ।

‘२ वर्षदेखि हप्तामा एक दुई दिन आएर त्यहाँ बस्ने गरेको भन्ने छ । नमोबुद्धमा उनले रिसोर्ट पनि सञ्चालन गरिरहेको भन्ने जानकारी पाएका छौँ । थप अनुसन्धान भइरहेको छ’, एसपी कार्कीले भन्नुभयो ।

अहिले फरेन्सिकको टोली ल्याएर थप अनुसन्धान भइरहेको प्रहरीले जनाएको छ ।