काठमाडौं। महालेखा परीक्षकका लागि सिफारिस तोयम रायको नाम संसदीय समितिबाट सर्वसम्मत अनुमोदन भएको छ।

आज सिंहदरबारमा भएको संसदीय सुनवाइका क्रममा रायको नाम सर्वसम्मत अनुमोदन गरिएको समिति सदस्य महेश बर्तौलाले जानकारी दिनुभयो।

संवैधानिक परिषद्ले रायलाई गत चैत्र १८ गते महालेखा परीक्षकमा नियुक्तिका लागि सिफारिस गरेको थियो। योसँगै राय राष्ट्रपतिबाट ६ वर्षे कार्यकालका लागि महालेखा परीक्षकमा नियुक्त हुनुहुनेछ।