काठमाडौँ ३१ भदौ २०८१ । अवैध लागूऔषधसहित विभिन्न स्थानबाट ९ जना  पक्राउ गरेको छ ।  पक्राउ परेकाहरुमा धादिङ गजुरीका ३ जना रहेका छन् ।  धादिङको गजुरी गाउँपालिका-१ गजुरी बजारस्थित सडकबाट अवैध लागूऔषध गाँजा करिब २६ किलोग्राम  सोही गाउँपालिका-४ बस्ने ३४ वर्षीय बुद्धिलाल  तामाङ समेत ३ जनालाई गए राती प्रहरीले पक्राउ गरेको छ ।बुद्धिलाल संगै पक्राउ परेका अन्य दुई जनाको भने प्रहरीले नाम सार्वजनिक गरेको छैन ।

इलाका प्रहरी कार्यालय गजुरीबाट खटिएको प्रहरीले काठमाडौंबाट भैरहवातर्फ जाँदैं गरेको लु.२ ख ४५२९ नम्बरको बसमा सवार उनीहरूलाई उक्त गाँजा सहित पक्राउ गरेको हो ।

यसै गरी रूपन्देही, बुटवल उपमहानगरपालिका-२ भिमसेन पथबाट अवैध लागूऔषध गाँजा २९ किलोग्राम, ३ थान मोबाइल, नगद ७६ हजार ५ सय रूपैयाँ र तराजु १ थान सहित ३ जनालाई आइतबार दिउँसो प्रहरीले पक्राउ गरेको छ । पक्राउ पर्नेहरूमा सोही ठाउँ बस्ने बुद्ध लक्ष्मी साही खड्की, ३४ वर्षीया हिना साही खड्की र दैलेख महाबु गाउँपालिका-४ बस्ने २३ वर्षीया रिहा साही ठकुरी रहेका छन् ।

लागूऔषध नियन्त्रण ब्यूरो ईकाई कार्यालय भैरहवा र प्रहरी बिट जितगढी किल्ला मैनाबगरबाट खटिएको प्रहरीले बुद्ध लक्ष्मी साहीको घर तलासी गर्दा उक्त गाँजा फेला पारी उनीहरुलाई पक्राउ गरेको हो ।
पर्सा, वीरगञ्ज महानगरपालिका-८ पानीटंकी टोलस्थित जमुना सेकुवा पसलबाट अवैध लागूऔषध ब्राउनसुगर जस्तो देखिने पदार्थ ४८ ग्राम सहित भारत विहार मोतीहारी थाना आदापुर बस्ने २३ वर्षीय बिकाश कुमार पटेललाई आइतबार दिउँसो प्रहरीले पक्राउ गरको छ । जिल्ला प्रहरी कार्यालय पर्सा र प्रहरी चौकी बसपार्कबाट खटिएको प्रहरीले उनलाई उक्त पदार्थ सहित पक्राउ गरेको हो ।

बाँके, नेपालगंज उपमहानगरपालिका-२२ कान्तितालस्थित सडकबाट अवैध लागूऔषध जस्तो देखिने खैरो पदार्थ १ ग्राम ५ सय मिलिग्राम सहित डुडुवा गाउँपालिका-३ बस्ने २९ वर्षीय सलमान खाँलाई आइतबार बेलुकी प्रहरीले पक्राउ गरेको छ । अस्थायी प्रहरी पोष्ट बसपार्क र लागूऔषध नियन्त्रण ब्यूरो बाँकेबाट खटिएको प्रहरीले भे.७ प ३९७६ नम्बरको मोटरसाइकलमा सवार उनलाई उक्त पदार्थ सहित पक्राउ गरेको हो ।

सुर्खेत, बीरेन्द्रनगर नगरपालिका-११ सुब्बाकुनास्थित सडकबाट अवैध लागूऔषध ब्राउनसुगर जस्तो देखिने पदार्थ करिब ७ ग्राम ७ सय १० मिलिग्राम, नाइट्राभेट १ पत्ता र ट्रामाडोल २ पत्ता सहित सोही नगरापालिका-९ बस्ने २७ वर्षीय पदम बहादुर शाहीलाई आइतबार राती प्रहरीले पक्राउ गरेको छ । प्रहरी चौकी सुब्बाकुना सुर्खेत र लागूऔषध नियन्त्रण ब्यूरो शाखा कार्यालय सुर्खेतबाट खटिएको प्रहरीले नेपालगंजबाट सुर्खेततर्फ आउँदै गरेको क.प्र ०२-००१ ख ०७६९ नम्बरको गाडीमा सवार उनलाई उक्त पदार्थ सहित पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको जनाएको छ ।