आदमघाट नजिकै दुई बस ठोक्किदा १३ जना घाइते
144 पटक पढिएको
धादिङ,२१ कात्तिक २०८१ । पृथ्वीराजमार्ग अन्तरगत धादिङ जिल्लाको गजुरी गाउँपालिका वडा नम्बर ६ बन्छेटारमा दुई वटा बस एक आपसमा ठोक्किंदा एक बालक सहित १३ जना घाईते भएका छन् ।
काठमाडौँबाट गोरखातर्फ जाँदै गरेको बा४ख ४४७६ नम्बरको बस तथा चितवनबाट काठमाडौँतर्फ आउँदै गरेको बा५ख ३४९५ नम्बरको बस एकापसमा ठोक्किएका हुन् ।
घाइतेलाई उपचारका लागि आदमघाट र गजुरीका स्वास्थ्य संस्थामा लगिएको जिल्ला प्रहरी कार्यालयका प्रवक्ता प्रल्हाद सिलवालले जानकारी दिए । दुर्घटनाग्रस्त बस सडकबाट पन्छाएर अवरुद्ध यातायात पुनः सञ्चालन गर्ने प्रयास भइरहेको उनले बताए ।
तीब्र गतिमा गुडिरहेका दुवै बस अनियन्त्रित भई एकापसमा ठोक्किएर दुर्घटना भएको प्रहरीले जनाएको छ ।
