काठमाडौँ -देशभर तापक्रम घट्दै जाँदा काठमाडौँ उपत्यकामा चिसो झन् बढेको छ। सोमबार बिहान ५:४५ बजेको प्रारम्भिक मापनअनुसार काठमाडौँको न्यूनतम तापक्रम ३.७ डिग्री सेल्सियसमा झरेको मौसम पूर्वानुमान महाशाखाले जनाएको छ।
यो प्रारम्भिक मापन भएकाले बिहान ८:४५ बजे हुने आधिकारिक मापनमा तापक्रम अझै घट्न सक्ने सम्भावना छ।
आइतबार जुम्लामा सबैभन्दा कम न्यूनतम तापक्रम –६.३ डिग्री र डोटीको दिपायलमा सबैभन्दा बढी अधिकतम तापक्रम २२.१ डिग्री सेल्सियस मापन गरिएको थियो।