विमानमा खराबी आएर, मौसम एक्कासी प्रतिकुल भएर लगायतका कारणले विमानको आपतकालीन अवतरण गरिएका खबर त सुनिएकै हो । तर अमेरिकामा भने कुकुरले दिसा गरेका कारण एउटा विमानको आपतकालीन अवतरण गर्नुपरेको छ ।

लस एन्जल्सबाट फिलाडेल्पिmयाका लागि उडेको अमेरिकी एयरवेजको विमानभित्र ट्रफल्स नामको कुकुरले तिन पटक सम्म दिसा गरेर हैरान पारेपछि मिसौरीको कन्सासमा आकस्मिक अवतरण गरिएको थियो ।

कुकुरले पटक पटक दिसा गर्न थालेपछि दिसा सफा गर्ने पेपर टावेल पनि सकिएका र दिसा गन्हाएर विमानभित्रका यात्रुहरु नै विरामी पर्ने डर बढेपछि पाइलटले विमानलाई आकस्मिक अवतरण गराए ।
झण्डै ४ फिट लामो भिमकाय कुकुरले थुप्रो आची गरेपछि यात्रुहरुलाई गन्हाएर बसिनसक्नु भएको एकजना यात्रु स्टेभ क्याक कलले अमेरिकी पत्रिका इन्साइड इडिसनलाई बताए । कुकुरको आची सोहोर्न पेपर टावेल सकिएपछि चालक दलका सदस्यलाई यस विषयमा जानकारी गराइएको थियो र पाइलटले कन्सास विमानस्थलका अधिकारीहरुसँग सम्पर्क गरि विमानलाई त्यहीँ आकस्मिक अवतरण गराए । कन्सास विमानस्थलमा अवतरण गराएर कुकुरको आची सफा गरियो ।

त्यो कुकुर र उसको मालिकलाई कारवाही स्वरुप त्यो विमानबाट झारेर अर्कै विमान चढाएर पठाइयो भने अन्य यात्रु छाटो ट्रान्जिटपछि फिलाडेल्पिmयाका लागि उडे । विमानमा यात्रारत एक पत्रकारले आफ्नो यात्रा अनुभवको रोमाञ्चकताबारे टि्वट गर्दै विमानका चालक दलका सदस्यलाई धन्यवाद दिएका छन् । एयरवेजका प्रवक्ताले त्यो घटनालाई दुर्लभ तथा दुर्भाग्यपूर्ण भनेका छन् ।