धादिङ, असोज २१ – धादिङको बैरेनीमा वस दुर्घटना हुँदा २२ जना घाइते भएका छन् ।

पृथ्वीराजमार्ग अन्तरगत धादिङको बैरेनी–८ मछेडीखोलामा मंगलबार दिउँसो वस पल्टिँदा २२ जना यात्रु घाईते भएका हुन् ।

गोरखाबाट काठमाडौंका लागि छुटेको ना ३ ख २००७ नम्बरको बस मछेडीखोला स्थित पृथ्वीराजमार्गमा अनियन्त्रित भई पल्टिँदा गाडीमा रहेका २२ जना यात्रु घाइते भएका हुन । घाइते मध्ये गम्भीर अवस्थाका चार जनालाई तत्काल उद्धार गरि उपचारका लागि काठमाडौं ल्याइएको छ भने सामान्य अवस्थाका घाइते अन्य १८ जनाको स्थानीय स्वास्थ्य केन्द्रमा उपचार  गरिएको जिल्ला प्रहरी कार्यालय धादिङले जनाएको छ ।