काठमाडौं : कांग्रेसको महाधिवेशन फेरि सारिएको छ । भदौं २४ देखि २६ सम्म काठमाडौंमा हुने भनिएको कांग्रेसको महाधिवेशन अब असोज २ गतेदेखि सुरु हुने गरी तोकिएको छ।

स्थानीय तहमा अधिवेशन तथा नेतृत्व चयन तथा अन्य व्यवस्थापकीय काममा थप समय आवश्यक पर्ने भएकोले महाधिवेशन सारिएको कांग्रेसले जनाएको छ। कांग्रेसका ७५ जिल्ला कार्यसमितिले नै तोकिएको मितिमा अधिवेशन गर्न नसकिने भन्दै केन्द्रलाई पत्राचार गरेपछि महाधिवेशन सारिएको हो।

शुक्रबार बसेको कांग्रेस केन्द्रिय समितिको बैठकले महाधिवेशन सार्ने निर्णय गरेको हो। भदौ १ गते गाउँ र नगर अधिवेशन , ७ गते क्षेत्रीय अधिवेशन र १० गते जिल्ला अधिवेशन गर्ने निर्णय भएको छ।