पुस ७ देखी १७ गते सम्म पाँचौं धादिङ महोत्सव हुने
1611 पटक पढिएको
धादिङ उद्योग वाणिज्य संघले आगामी पुस ७ गते देखी १७ गते सम्म नीलकण्ठ नगरपालिका–३ धादिङबेसी रायटारमा मा पाँचौं धादिङ महोत्सव आयोजना गर्ने भएको छ ।
‘धादिङको दिगो विकास र अर्थतन्त्रको आधार कृषि, जलस्रोत, पर्यटन तथा उद्योगको पूर्वाधार’ भन्ने नाराका साथ महोत्सवको आयोजना गर्न लागिएको संघका अध्यक्ष वोधनाथ दुवाडीले वताउनु भयो ।
संघद्वारा शनिबार धादिङबेसीमा आयोजित पत्रकार सम्मेलनमा अध्यक्ष दुवाडीले जिल्ला विकास समिति ,नीलकण्ठ नगरपालिका ,सहआयोजक र नेपाल टुरिजम बोर्ड प्रवद्र्धक रहेको महोत्सवका लागि १५१ सदस्यीय मूल आयोजक समिति, ५१ सदस्यीय सल्लाहकार समिति र १५ वटा विषयगत समितिसमेत गठन भइसकेको वताउनु भयो ।
