धादिङ,१७ असोज –आगामी मंसिर १० मा हुने केन्द्र तथा प्रदेश सभाको निर्वाचनका लागि उम्मेदवार छनौट गर्न राजनैतिक दलहरु यति बेला आन्तरिक तयारीमा जुटेका छन ।नेपाली काँग्रेस, धादिङले  प्रतिनिधि सभा र प्रदेशसभा निर्वाचनका लागि पार्टीका तर्फबाट उम्मेदवार सिफारिस गरेको छ । सोमबार बसेको जिल्ला कार्यसमितिको बैठकले २ क्षेत्र भएको प्रतिनिधि सभाका लागि  र ४ क्षेत्र भएको प्रदेशका लागि प्रत्यक्ष  र समानुपातिक तर्फको क्षेत्रीय समितिले सिफारिस गरेका सबैको नाम केन्द्रमा जिल्ला समितिले सिफारिस गरेको हो ।

कार्यसमिति बैठकमा सहमति जुट्न नसकेपछि सबै नाम सिफारिस गरिएको बताइएको छ । केन्द्रीय संसद्का लागि क्षेत्र नं १ बाट विश्वप्रकाश अर्याल, देवप्रकाश त्रिपाठी, विदुर अकौलिया,समानुपातिक तर्फ हरि अधिकारी क्षेत्र नं २ का लागि प्रत्यक्ष तर्फ रमेश धमला, रामनाथ अधिकारी, दिलमान पाख्रिन, डा.राजाराम कार्की, गंगाराम तामाङको नाम सिफारिस गरिएको छ भने समानुपातिक तर्फ शिवराज अधिकारी,चिजकुमार श्रेष्ठ, ऋषिराज धमला र भोजबहादुर परियारको नाम सिफारिस गरिएको छ ।

यसैगरी, प्रदेश संसद्का लागि   प्रदेश सभा क्षेत्र नं १ (धुनिवेसी नगरपालिका, थांक्रे र गल्छी गाउँपालिका ) प्रत्यक्ष तर्फ  अर्जुन उप्रेती,बाबुकृष्ण सापकोटा,मधुकुमार श्रेष्ठ र रविसुदन थापाको नाम सिफारिश भएको छ ।यस क्षेत्रबाट  समानुपातिक तर्फका लागि विरवल राई दनुवार,उर्मिला कडेंल कलादेवी खतिवडा र बुद्धलक्ष्मी लामाको नाम सिफारिश भएको नेपाली कांग्रेसले जनाएको छ ।

प्रदेश सभा क्षेत्र नं २ (गजुरी,सिद्धलेक र वेनिघाट रोराङ गाउँपालिका ) प्रत्यक्ष तर्फ खिल गिरी, कविता इटनी, बद्री अर्याल, हरिभक्त त्रिपाठी, प्रभातकिरण सुवेदी  र समानुपातिक तर्फ नन्दलाल श्रेष्ठ, टेकबहादुर प्रजा (चेपाङ), उर्मिला  थपलिया (सीता )को नाम सिफारिश गरिएको छ ।

      प्रतिनिधि सभा क्षेत्र नम्बर २ को प्रदेश सभा क्षेत्र नम्बर १ का लागि  (नीलकण्ठ नगरपालिकाको वडा नम्बर ११  साविक ज्यामरुङ गाविस बाहेक नीलकण्ठ नगरपालिका,ज्वालामुखी र नेत्रावती गाउँपालिका) प्रत्यक्ष तर्फ  यमनाथ दनै, झंकनारायण श्रेष्ठ,कल्पना अधिकारी,राकेश धमला,गोविन्द लंम्साल र  टिकानिधि काप्रीको नाम सिफारिस गरिएको छ ।  समानुपातिक तर्फ नारायणकुमार श्रेष्ठ,अम्बिका अधिकारी,गोपाल विश्वकर्मा, शंकर दर्जी दिनेशबहादुर गुरुङ र भगवती उप्रेतीको नाम सिफारिश गरिएको छ ।

प्रतिनिधि सभा क्षेत्र नम्बर २ को प्रदेश सभा क्षेत्र नम्बर २  (नीलकण्ठ नगरपालिकाको वडा नम्बर ११,त्रिपुरासुन्दी,गंगाजमुना,रुवीभ्याली र खनियावास गाउँपालिका) का लागि प्रत्यक्ष तर्फ तिलकप्रसाद रुवाली,हरिराम बुर्लाकोटी,फणिकान्त छत्कुली र  सेतेमान (उर्जा) घलेको नाम सिफारिस गरिएको छ भने समानुपातिक तर्फ भक्तबहादुर लामा, दुर्गा दाहाल, दिपन वाइवा तामाङ, दलबहादुर अधिकारी, शेरबहादुर तामाङ,राजेन्द्र अर्याल,अर्जुनबहादुर थापा, अक्कलबहादुर तामाङको नाम सिफारिस गरिएको नेपाली काँग्रेस धादिङले जनाएको छ ।