एजेन्सी । अमेरिकाका पूर्व राष्ट्रपति डोनाल्ड ट्रम्पले सन् २०२० को चुनावी परिणामलाई उल्टाउने षड्यन्त्र नगरेको दाबीगरे का छन् । अमेरिकाको राजधानी वाशिङ्टन डिसी जिल्ला अदालतमा बिहीबार हाजिर भएका ट्रम्पले आफुविरुद्ध लगाईएका पछिल्ला चारवटा आरोप अस्विकार गरेका हुन् ।

अभियोग रुजु गर्न जिल्ला न्यायाधिश समक्ष हाजिर भएका ट्रम्पले मुद्दामा आफ्नो विवरण रुजु गरिसकेपछि आरोपहरु अस्विकार गरे । सन् २०२० को चुनाव र अमेरिकी संसद भवनमा गरिएको आक्रमणसँग जोडिएको यो मुद्दा विपक्षी दलको राजनीतिक अभिष्ठबाट प्रेरित भएको ट्रम्पको आरोप छ ।

विगत चार महिनामा पूर्व राष्ट्रपति ट्रम्पको आपराधिक प्रतिवादीको रूपमा अदालतमा यो तेस्रो उपस्थिति हो । अमेरिकी कंग्रेसको झडपमा भाग लिएको आरोपमा करिब एक हजार जना प्रतिवादीहरू सोही अदालत भवनमा उपस्थित भएका छन् ।

पूर्व राष्ट्रपति ट्रम्प सुनुवाईमा भाग लिन आफ्नो निजी विमान ‘ट्रम्प फोर्स वान’ चढेर न्यू जर्सी निवासबाट वाशिंगटन डीसी पुग्नुभएको थियो ।