काठमाडढौं । प्रधानसेनापति प्रभुराम शर्मा बेलायतको औपचारिक भ्रमण पूरा गरी शनिबार स्वदेश फर्किनुभएको छ । उहाँलाई त्रिभुवन अन्तर्राष्ट्रिय विमानस्थलमा रक्षासचिव किरणराज शर्मा र बलाध्यक्ष रथी सिताराम खड्काले स्वागत गर्नुभएको हो ।

यही असोज २१ गते उहाँ त्यसतर्फ प्रस्थान गर्नुभएको थियो। बेलायत भ्रमणका क्रममा उनले आफ्ना समकक्षीसँग त्यहाँको सैनिक मुख्यालयमा शिष्टाचार भेटवार्ता गर्नुभएको थियो।

प्रधानसेनापति शर्माले रोयल कलेज अफ डिफेन्स इस्टडिज (आरसीडीएस) र रोयल मिलिटरी एकेडेमीको भ्रमण गर्नुभएको थियो । त्यहाँका अधिकारीहरूसित भेट गर्नुभएको थियो। उहाँले गोर्खा बिग्रेडको मुख्यालयको समेत भ्रमण गरेको नेपाली सेनाले जनाएको छ ।