काठमाडौं। विश्व स्वास्थ्य संगठन (डब्ल्यूएचओ) को दक्षिण–पूर्वी एसियाको क्षेत्रीय निर्देशक पदमा नेपालका उम्मेदवार पराजित भएका छन्। भारतको नयाँ दिल्लीमा आयोजित डब्ल्यूएचओको दक्षिण–पूर्वी एसियाको क्षेत्रीय कमिटीको बैठकपछीको निर्वाचनमा वंगलादेशकी उम्मदवारले हराएकी हुन् ।

नयाँ क्षेत्रीय निर्देशक पदमा नेपालका उम्मेदवार डब्ल्यूएचओमा कार्यरत शम्भुप्रसाद आचार्य र बंगलादेशको उम्मेदवार प्रधानमन्त्री शेख हसिनाकी छोरी साइमा बाजेद उम्मेदार बनेका थिए। उक्त पदका लागि भएको मतदानमा नेपालका आचार्यले २ मत पाउदा बंगलादेशकी बाजेदले ८ मत प्राप्त गरिन् ।

डब्ल्यूएचओको दक्षिण–पूर्वी एसिया क्षेत्रमा नेपाल, भारत, भुटान, बंगलादेश, उत्तर कोरिया, इन्डोनेसिया, मालदिभ्स, म्यानमार, श्रीलंका, थाइल्याण्ड र टिमोर लिस्टे गरी ११ देश सदस्य छन् । यिनै ११ देशका स्वास्थ्य मन्त्रीहरु पालैपालो क्षेत्रीय अध्यक्ष हुन्छन् ।