काठमाडौं। प्यूठानमा माइक्रो बस दुर्घटनामा परेको छ। नमस्ते दाङ यातायात प्रालिको उक्त माइक्रो दुर्घटनामा पर्दा १८ जना यात्रु घाइते भएका छन्।

प्यूठानको बाग्दुलाबाट दाङको भालुबाङतर्फ जाँदै गरेको लु २ ख ३०९३ नम्बरको माइक्रो बस सरुमारानी गाउँपालिकाको बड्डाडानजिकै दुर्घटनामा परेको हो ।

घाइतेहरूको भालुबाङ दाङमा उपचार जारी रहेको जिल्ला प्रहरी कार्यालय प्यूठानका सूचना अधिकारी सागर भुषालले जानकारी दिनुभयो। दुर्घटनाको कारण भने खुल्न नसकेको र थप अनुसन्धान अगाडी बढाइएको भुषलले जानकारी दिनुभएको छ ।