सात महिनामा १६ अर्ब धेरैको विद्युतिय गाडी आयात
98 पटक पढिएको
![](https://dhadingnews.com/wp-content/uploads/2024/02/ev-car-gadi-electric-gadi.jpg)
काठमाडौं । चालु आर्थिक वर्षको सात महिनामा १६ अर्ब बढीको विद्युतिय गाडी आयात भएका छन् ।
चालू आर्थिक वर्ष २०८०र८१ को मंसिर महिनासम्म १६ अर्ब ९ करोड ७ लाख ७५ हजार रुपैयाँको विद्युतिय गाडी (कार, भ्यान, जीप र मिनि बस) आयात भएको हो ।
भन्सार विभागले सार्वजनिक गरेको तथ्याङक अनुसार ७ महिनामा ६ हजार ४९० वटा विद्युतिय कार, भ्यान, जीप र मिनि बस अयात हुदा १६ अर्ब ९ करोड ७ लाख ७५ हजार रुपैयाँ बाहिरीएको हो । जुन गत आर्थिक वर्षको सोहि अवधिको तुलनामा करिब २०० प्रतिशतले बढी हो ।
नेपालमा ५० किलोवाट देखि ३०० किलोवाटसम्मका विद्युतिय गाडी आयात हुने गर्दछन् ।
नेपालमा सबैभन्दा बढी ५० किलोवाट देखि १०० किलोवाटसम्मका ३ हजार ३९४ वाट विद्युतिय कार, जिप र भ्यान आयात भएका छन् । त्यस्तै, ५० किलोवाटसम्मका २ हजार ६७७ वटा विद्युतिय कार, जीप र भ्यान आयात भएको भन्सर विभागको तथ्याङकले देखाएको छ ।
१०१ किलोवाट देखि २०० किलोवाटसम्मका ७० र २०१ किलोवाट देखि ३०० किलोवाटसम्मका १८ वटा कार, जिप र भ्यान आयात भएका छन् । त्यसैगरी, सात महिनाको अवधिमा मिनि वस ६७ र माइक्रो वार २६४ वाटा नेपाल भित्रिएका छन् ।